തനിക്ക് ലഭിച്ച പുരസ്‌കാരങ്ങള്‍ ഒന്നും അലമാരയില്‍ സൂക്ഷിക്കാന്‍ തന്റെ അമ്മ സമ്മതിക്കാറില്ലായിരുന്നുവെന്ന് എആര്‍ റഹ്മാന്. രണ്ട് ഓസ്‌കര്‍, രണ്ട് ഗ്രാമി, ഒരു ബാഫ്റ്റ, ഗോള്‍ഡന്‍ ഗ്ലോബ് പുരസ്‌കാരങ്ങള്‍ എആര്‍ റഹ്മാന് ലഭിച്ചിട്ടുണ്ട്. ഓസ്‌കര്‍ പുരസ്‌കാരങ്ങള്‍ തുണിയില്‍ പൊതിഞ്ഞാണ് അമ്മ സൂക്ഷിച്ചിരുന്നത് എന്നാണ് താരം ഇപ്പോള്‍ തുറന്നുപറഞ്ഞിരിക്കുന്നത്.
ഓസ്‌കര്‍ പുരസ്‌കാരങ്ങള്‍ എല്ലാം സ്വര്‍ണം കൊണ്ടുണ്ടാക്കിയതാണെന്ന് കരുതി അവ തുണിയില്‍ പൊതിഞ്ഞാണ് അമ്മ ദുബായിലെ വസതിയില്‍ സൂക്ഷിച്ചിരുന്നത്. അമ്മയുടെ മരണ ശേഷമാണ് അവ പുറത്തെടുത്ത് ദുബായ് ഫിര്‍ദൗസ് സ്റ്റുഡിയോയില്‍ കൊണ്ട് വച്ചത് എന്നാണ് റഹ്മാന് പറയുന്നത്.
2020ല്‍ ആണ് റഹ്‌മാന്റെ അമ്മ കരീന ബീഗത്തിന്റെ വിയോഗം. തന്റെ ആദ്യ സ്റ്റുഡിയോയുടെ നിര്‍മാണത്തിന് പ്രതിസന്ധി നേരിട്ടപ്പോള്‍ അമ്മ ആഭരങ്ങള്‍ നല്‍കിയെന്നും അവ പണയം വച്ചാണ് നിര്‍മ്മാണം പൂര്‍ത്തിയാക്കിയതെന്നും റഹ്മാന് പറഞ്ഞു. അമ്മയോട് തീരാ കടപ്പാടുണ്ടെന്നും റഹ്മാന് ഫിലിം കമ്പാനിയന് നല്‍കിയ അഭിമുഖത്തില്‍ വ്യക്തമാക്കി.
സ്ലംഡോഗ് മില്യണയര്‍ ചിത്രത്തിലെ ജയ് ഹോ എന്ന ട്രാക്കിന് രണ്ട് ഓസ്‌കര്‍ പുരസ്‌കാരങ്ങളും, രണ്ട് ഗ്രാമി, ഒരു ബാഫ്റ്റ, ഗോള്‍ഡന്‍ ഗ്ലോബ് പുരസ്‌കാരങ്ങള്‍ റഹ്മാന് ലഭിച്ചിരുന്നു. കൂടാതെ ആറ് ദേശീയ അവാര്‍ഡുകളും 32ല്‍ അധികം ഫിലിംഫെയര്‍ അവാര്‍ഡുകളും റഹ്മാന് ലഭിച്ചിട്ടുണ്ട്.
