വിജയ്‌യുടെ പുതിയ ചിത്രത്തിന്റെ പേരിനെ ചൊല്ലി വിവാദം. വെങ്കട് പ്രഭു ഒരുക്കുന്ന ചിത്രത്തിന് ‘ദ ഗ്രേറ്റസ്റ്റ് ഓഫ് ഓള്‍ ടൈം’ അഥവാ ഗോട്ട് എന്നാണ് പേര് നല്‍കിയിരിക്കുന്നത്. പുതുവത്സര ദിനത്തില്‍ ആയിരുന്നു ചിത്രത്തിന്റെ പേര് പ്രഖ്യാപിച്ചു കൊണ്ട് ഫസ്റ്റ് ലുക്ക് പോസ്റ്റര്‍ എത്തിയത്.
തെലുങ്ക് സംവിധായകന്‍ നരേഷ് കുപ്പിളിയാണ് ഗോട്ട് എന്ന പേരിനെതിരെ ഇപ്പോള്‍ രംഗത്തെത്തിയിരിക്കുന്നത്. റിലീസിനൊരുങ്ങുന്ന തന്റെ രണ്ടാമത്തെ ചിത്രത്തിന് ഗോട്ട് എന്നാണ് നരേഷ് നല്‍കിയിരിക്കുന്നത്. തന്റെ ചിത്രത്തിന്റെ പ്രമോഷന്‍ നടക്കുകയാണ്, ചുരുങ്ങിയ സമയത്തില്‍ സിനിമയുടെ പേര് മാറ്റാനാകില്ല എന്നാണ് നരേഷ് കുപ്പിളിയുടെ പരാതി.
അതേസമയം, ഈ ചിത്രത്തില്‍ വിജയ് ഇരട്ട വേഷത്തിലാണ് അഭിനയിക്കുന്നത്. യൂണിഫോമില്‍ നില്‍ക്കുന്ന രണ്ട് വിജയ്‌യുടെ ചിത്രമാണ് ഫസ്റ്റ്‌ലുക്ക് പോസ്റ്ററില്‍ എത്തിയത്. മുകളില്‍ ഒരു യുദ്ധവിമാനവും പിന്നില്‍ ഒരു പാരച്യൂട്ടും കിടക്കുന്നത്കാണാം.
Read more
‘വെളിച്ചത്തിന് ഇരുട്ടിനെ വിഴുങ്ങാന്‍ കഴിയും, എന്നാല്‍ ഇരുട്ടിന് വെളിച്ചത്തെ ദഹിപ്പിക്കാന്‍ കഴിയില്ല’ എന്ന ടാഗ്ലൈനും പോസ്റ്ററിലുണ്ട്. മൈക്ക് മോഹന്‍, പ്രശാന്ത്, പ്രഭുദേവ, സ്‌നേഹ, ലൈല, ജയറാം, മീനാക്ഷി ചൗധരി, യോഗി ബാബു എന്നിവരും ചിത്രത്തിലുണ്ട്. ടൈം ട്രാവല്‍ അടിസ്ഥാനമാക്കിയുള്ള ഒരു സിനിമയാണ് ഇത് എന്നാണ് റിപ്പോര്‍ട്ടുകള്‍.
