മലയാളി പ്രേക്ഷകർക്ക് എന്നും പ്രിയപ്പെട്ട സിനിമയാണ് ‘കിലുക്കം’. ചിത്രത്തിൽ നിശ്ചലായി എത്തിയ ജഗതിയുടെ പല സീനുകളും വൻ ഹിറ്റായി മാറിയിരുന്നു. ഇപ്പോഴിതാ ചിത്രത്തിലെ ഒരു രസകരമായ സംഭവത്തെ കുറിച്ച് മുൻപ് ജഗതി പറഞ്ഞ വാക്കുകളാണ് വീണ്ടും ശ്രദ്ധ നേടുന്നത്. കെെരളി ടിവിയുടെ അഭിമുഖത്തിനിടെയാണ് ഇക്കാര്യത്തെ കുറിച്ച് ജഗതി പറയുന്നത്.
കിലുക്കത്തിൽ ജനാല ഗ്ലാസിൽ നക്കുന്ന സീൻ സ്ക്രിപ്റ്റിലുണ്ടായിരുന്നോ എന്ന അവതാരകൻ ചോദിച്ചതിന് മറുപടിയയി “ഇല്ല എന്നാണ് അദ്ദേഹം പറയുന്നത്. അതപ്പോൾ തോന്നിയതാണ്. മഞ്ഞ് കൊണ്ട് മങ്ങിയിരിക്കുന്ന ജനാല തുണികൊണ്ടോന്നും തുടക്കാനുള്ള ക്ഷമ നിശ്ചലിനില്ല,
എങ്ങനെയേങ്കിലും അകത്ത് എന്താണ് നടക്കുന്നതെന്ന് കാണാൻ വേണ്ടി ഗ്ലാസ് അങ്ങ് നക്കി തുടച്ചു. അതാണ് അന്ന് സംഭവിച്ചത്. അത് കണ്ടു അന്ന് ക്യാമറയിൽ നോക്കി നിന്ന പ്രിയൻ വരെ ചിരിച്ചുവെന്നുമാണ് ജഗതി ശ്രീകുമാർ പറഞ്ഞത്.
Read more
പ്രിയദർശൻ നന്നായി ചിരിക്കുന്ന ആളാണ് അദ്ദേഹം ചിരി തുടങ്ങിയാൽ പിന്നെ നിർത്തില്ലെന്നും അങ്ങനെ അന്ന് ആ സീൻ കഴിഞ്ഞ് സിനിമ നിർത്തി വെക്കേണ്ട അവസ്ഥ വന്നെന്നും അദ്ദേഹം കൂട്ടിച്ചേർത്തു.
