ശബരിമല സുവര്‍ണാവസരമാക്കാന്‍ കഴിയാതെ കെ.സുരേന്ദ്രന്. മല്‍സര രംഗത്തെത്തിയതുമുതല്‍ വലിയ ഓളം സൃഷ്ടിച്ചുകൊണ്ടായിരുന്നു സുരേന്ദ്രന് എത്തിയത്. ചില മാധ്യമങ്ങള്‍ സര്‍വെകളില്‍ അദ്ദേഹത്തെ ഒന്നാമതോ രണ്ടാമതോ, എത്തിച്ച് തരംഗമുണ്ടാക്കാനും ശ്രമിച്ചിരുന്നു. എല്‍ഡിഎഫ് രണ്ടാം സ്ഥാനത്തുപോലുമെത്തില്ലെന്നും പ്രചരണമുണ്ടായിരുന്നു. എന്നാല്‍ ഇതൊന്നും യാഥാര്‍ത്ഥ്യവുമായി ബന്ധമുള്ളതായിരുന്നില്ലെന്നാണ് വോട്ടെണ്ണല്‍ വ്യക്തമാക്കുന്നത്.
പത്തനം തിട്ടയില്‍ കെ സുരേന്ദ്രന് മൂന്നാംസ്ഥാനത്താവുക മാത്രമല്ല, ഒരു നിയമസഭ മണ്ഡലമൊഴികെ ബാക്കിയെവിടെയും ബിജെപിയ്ക്ക് രണ്ടാം സ്ഥാനത്തുപോലും എത്താന്‍ കഴിഞ്ഞില്ല.
Read more
പിസി ജോര്‍ജ്ജിന്റെ പിന്തുണയോടെയാണ് കെ സുരേന്ദ്രന് ഈ മേഖലയില്‍ പ്രചാരണം നടത്തിയത്. എന്നാല്‍ ജോര്‍ജ്ജിന്റെ പിന്തുണയും സുരേന്ദ്രനെ സഹായിച്ചില്ല. ഇവിടെ രണ്ടാം സ്ഥാനത്തുള്ള വീണാ ജോര്‍ജ്ജിനെക്കാള്‍ 10,000ത്തിലേറെ വോട്ടാണ് കെ. സുരേന്ദ്രന് കുറഞ്ഞത്. ശബരിമല സമരം ആക്രമോല്‍സുകമായി നടത്തിയെങ്കിലും അതിന്റെ ഒരു പ്രയോജനവും ബിജെപിയ്ക്ക് ലഭിച്ചില്ലെന്ന ഏറ്റവും വലിയ തെളിവാകുകയാണ് പത്തനംതിട്ട
