മലയാള സിനിമയിലെ യുവതാരങ്ങള്‍ ലഹരി ഉപയോഗിക്കുന്നു എന്ന ആരോപണം അഭ്യൂഹം മാത്രമാണെന്ന് ജയില്‍ ഡിജിപി ഋഷിരാജ് സിംഗ്. ഇതിന് തെളിവുകള്‍ ഇല്ലെന്നും ഇതു സംബന്ധിച്ച് പരാതികള്‍ ലഭിച്ചിട്ടില്ലെന്നും അദ്ദേഹം പറഞ്ഞു. റിയാദില്‍ ഒരു ചടങ്ങില്‍ സംസാരിച്ചപ്പോഴാണ് അദ്ദേഹം ഇക്കാര്യം പറഞ്ഞത്.
“പ്രചരിപ്പിക്കപ്പെടുന്നത് അഭ്യൂഹം മാത്രമാണ്. ഇതിന് അടിസ്ഥാനമില്ല. ആരോപണം സാധൂകരിക്കുന്ന തരത്തിലുള്ള പരാതികളോ തെളിവുകളോ ഇതുവരെ ലഭ്യമായിട്ടില്ല. ഊഹാപോഹങ്ങള്‍ വെച്ച് എന്താണ് ചെയ്യാന്‍ സാധിക്കുക. താന്‍ എക്‌സൈസ് കമ്മീഷണറായിരുന്നപ്പോള്‍ ഇതുസംബന്ധിച്ച പരാതികളൊന്നും ലഭിച്ചിരുന്നില്ല.” ഋഷിരാജ് സിംഗ് പറഞ്ഞു.
Read more
ഷെയ്ന്‍ നിഗമുമായി ബന്ധപ്പെട്ട വിവാദങ്ങള്‍ക്ക് പിന്നാലെയാണ് നിര്‍മ്മാതാക്കളുടെ സംഘടന സിനിമയിലെ യുവതലമുറയ്ക്ക് എതിരെ ലഹരി ആരോപണവുമായി രംഗത്തെത്തിയത്. യുവതലമുറയിലെ ഒരു വിഭാഗം നടന്‍മാര്‍ സെറ്റില്‍ മയക്കുമരുന്ന് ഉപയോഗിക്കുന്നുണ്ടെന്നാണ് നിര്‍മ്മാതാക്കള്‍ ആരോപിച്ചത്.
