സ്വവര്‍ഗ വിവാഹവും സ്വവര്‍ഗ രതിയും മനുഷ്യരാശിയെ ഇല്ലാതാക്കുമെന്ന് എംഇഎസ് സംസ്ഥാന അദ്ധ്യക്ഷന്‍ ഡോ. ഫസല്‍ ഗഫൂര്‍. ഇത്തരത്തിലുള്ള കാര്യങ്ങള്‍ ഒരിക്കലും അംഗീകരിക്കാനാവില്ല. ഒന്നിച്ചെതിര്‍ക്കണമെന്നും അദേഹം പറഞ്ഞു. എംഇഎസിന് കീഴിലുള്ള സിബിഎസ്ഇ സ്‌കൂളുകളിലെ അധ്യാപകരുടെ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദേഹം.
എംഇഎസ് എജ്യുക്കേഷന്‍ ബോര്‍ഡ് ചെയര്‍മാന്‍ ഡോ. കെ.പി അബൂബക്കര്‍ അധ്യക്ഷതവഹിച്ചു. ഡോ. അനില്‍ വള്ളത്തോള്‍ മുഖ്യാതിഥിയായി. എഴുത്തുകാരന്‍ എന്‍പി ഫാഫിസ് മുഹമ്മദ് എന്നിവര്‍ പ്രസംഗിച്ചു.
Read more
നേരത്തെ, വിവിധ സംസ്ഥാനങ്ങളിലെയും വിവിധ മത വിഭാഗങ്ങളിലെയും ജനങ്ങള്‍ക്കിടയില്‍ അനന്തരാവകാശ നിയമത്തിലടക്കം വൈവിധ്യങ്ങള്‍ ഉണ്ടായിരിക്കേ മുസ്ലിം സമുദായത്തെ ലക്ഷ്യംവെച്ച് ഏക സിവില്‍ കോഡ് നടപ്പില്‍ വരുത്തുന്നത് ദുരുദ്ദേശ്യപരമാണെന്ന് അദേഹം പറഞ്ഞിരുന്നു.
