കോഴിക്കോട് പത്താം ക്ലാസ് വിദ്യാര്‍ത്ഥി ഷഹബാസിനെ കൊലപ്പെടുത്തിയ പ്രതികളെ പരീക്ഷ എഴുതാന്‍ അനുവദിച്ചതിനെതിരെ പിതാവ് ഹൈക്കോടതിയില്‍. പ്രതികളെ പരീക്ഷ എഴുതാന്‍ അനുവദിക്കരുതെന്ന് ആവശ്യപ്പെട്ടാണ് പിതാവ് മുഹമ്മദ് ഇഖ്ബാല്‍ ഹര്‍ജി നല്‍കിയിരിക്കുന്നത്. വിഷയത്തില്‍ കോടതി ഉചിതമായ തീരുമാനം എടുക്കുമെന്ന പ്രതീക്ഷയിലാണെന്നും മുഹമ്മദ് ഇഖ്ബാല്‍ പറഞ്ഞു.
ക്രൂരമായി കൊല ചെയ്തിട്ടും പ്രതികള്‍ പരീക്ഷ എഴുതാന്‍ പോയി. ചെറിയ ശിക്ഷ പോലും അവര്‍ക്ക് ലഭിച്ചില്ല. തന്റെ കുട്ടിയും പരീക്ഷ എഴുതാന്‍ ഒരുക്കങ്ങള്‍ പൂര്‍ത്തിയാക്കിയതായിരുന്നു. ഒരു രക്ഷിതാവെന്ന നിലയില്‍ തനിക്കും കുടുംബത്തിനും മാനസികമായി ബുദ്ധിമുട്ടുണ്ടെന്നും ഇഖ്ബാല്‍ കൂട്ടിച്ചേര്‍ത്തു.
Read more
നമ്മുടെ നിയമങ്ങളില്‍ ചെറിയ മാറ്റം വരണം. കുറ്റം ചെയ്താല്‍ ഇതുപോലെ ശിക്ഷിക്കപ്പെടും എന്ന പേടി കുട്ടികള്‍ക്ക് വേണം. പ്രതികള്‍ കുറ്റക്കാരാണെന്ന് എല്ലാവര്‍ക്കും ബോധ്യപ്പെട്ടിട്ടുള്ളതാണ്. കുട്ടികള്‍ തെറ്റിലേക്ക് പേകാതിരിക്കാന്‍ ഇത് പ്രരണയാകണമെന്നും മറ്റൊരു രക്ഷിതാവിന് ഇങ്ങനെ ഒരു വേദന ഉണ്ടാകരുതെന്നും കോടതിയെ വിശ്വസിക്കുകയാണെന്നും ഇഖ്ബാല്‍ പറഞ്ഞു.
