കളമശേരിയിലെ കൺവൻഷൻ സെന്ററിൽ യഹോവ സാക്ഷികളുടെ പ്രാർത്ഥനാ യോഗത്തിനിടെ ഉണ്ടായ സ്‌ഫോടനം ഞെട്ടിക്കുന്നതാണെന്ന് ശശി തരൂർ എംപി. സംഭവം ഞെട്ടിപ്പിക്കുന്നതും നിരാശാജനകവുമാണ്. നിരുപാധികമായി അപലപിക്കുന്നു. സംഭവത്തിൽ പൊലീസിൻ്റെ ദ്രുതഗതിയിലുള്ള നടപടി അദ്ദേഹം ആവശ്യപ്പെട്ടു.
കേരളത്തിലെ ഒരു മതസമ്മേളനത്തിന് നേരെയുണ്ടായ ബോംബ് ആക്രമണത്തിന്റെ വാർത്ത ഞെട്ടിപ്പിക്കുന്നതും നിരാശാജനകവുമാണ്. കൊല്ലാനും നശിപ്പിക്കാനുമുള്ള മാനസികാവസ്ഥയിലേക്ക് എൻ്റെ സംസ്ഥാനം വീണുപോകുന്നത് കാണേണ്ടി വരുന്നത് ദൗർഭാഗ്യകരമാണെന്നും തരൂർ പറഞ്ഞു.
പൊലീസിൻ്റെ ഭാഗത്തു നിന്ന് ദ്രുത ഗതിയിലുള്ള നടപടികൾ വേണം, എന്നാൽ അത്രമാത്രം പോര. ഇത്തരം കാടത്തത്തെ അപലപിക്കാൻ എല്ലാ മതമേലധ്യക്ഷന്മാരും ഒന്നിക്കണം. അക്രമം കൂടുതൽ വിപത്തുകളല്ലാതെ മറ്റൊന്നും നേടിത്തരുന്നില്ലെന്ന് അനുയായികളെ പഠിപ്പിക്കണമെന്ന് അഭ്യർത്ഥിക്കുന്നുവെന്നും തരൂർ എക്സ് പ്ലാറ്റ്ഫോമിൽ കുറിച്ചു.
Shocked and dismayed by the news of a bomb attack on a religious gathering in Kerala. https://t.co/orisy8neSD
I condemn it unreservedly & demand swift police action. But that’s not enough. To see my state falling prey to the mentality of killing and destruction is tragic. I urge…— Shashi Tharoor (@ShashiTharoor) October 29, 2023
Read more
