ശബരിമലയിൽ ദർശനം നടത്താൻ പമ്പയിലെത്തിയ പത്ത് യുവതികളെ പൊലീസ് തിരിച്ചയച്ചു. പ്രായം പരിശോധിച്ച ശേഷമാണ് പൊലീസ് നടപടി. യുവതികൾ ആന്ധ്രപ്രദേശിലെ വിജയവാഡയിൽ നിന്നുള്ളവരാണ്. സ്ത്രീകളെ ശബരിമലയിലെ ആചാരങ്ങളെ കുറിച്ച് ബോധ്യപെടുത്തിയതിന് ശേഷമാണ് തിരിച്ചയച്ചതെന്ന് പൊലീസ് പറഞ്ഞതായി റിപ്പോർട്ടുകൾ ഉണ്ട്.
Read more
യുവതി പ്രവേശനത്തിന് അനുമതി നൽകികൊണ്ട് കഴിഞ്ഞ വർഷം സെപ്റ്റംബർ 28ന് സുപ്രീം കോടതി പുറപ്പെടുവിച്ച വിധി നിലനിൽക്കെ, യുവതികളെ ദർശനത്തിന് അനുവദിക്കേണ്ട എന്ന നിലപാട് ആണ് സർക്കാർ കഴിഞ്ഞ ദിവസങ്ങളിൽ എടുത്തിരിക്കുന്നത്. ശബരിമല വിധിക്കെതിരെ സമർപ്പിക്കപ്പെട്ട പുനഃപരിശോധന ഹർജികൾ വിശാല ബെഞ്ചിന് വിട്ടുകൊണ്ടുള്ള സുപ്രീം കോടതിയുടെ ഉത്തരവിന്റെ പശ്ചാത്തലത്തിലാണ് സർക്കാർ ഈ നിലപാട് കൈക്കൊണ്ടിരിക്കുന്നത്.
