കേരളത്തിലെ ഒന്നാം നമ്പര്‍ വാഹനമായി കറുപ്പ് നിറമുള്ള ഇന്നോവ ക്രിസ്റ്റ. ഇതാണ് ഇനി മുഖ്യമന്ത്രി പിണറായി വിജയന്റെ ഔദ്യോഗിക വാഹനം. കാലങ്ങളി വെളുത്ത കാറില്‍ ചീറിപ്പാഞ്ഞിരുന്ന മുഖ്യമന്ത്രി ഇനി പഴയ കാഴ്ച. ഇനി മുതല്‍ കറുത്ത കാറില്‍ സഞ്ചരിക്കുന്ന് മുഖ്യമന്ത്രിയെ കാണാം.അദ്ദേഹത്തിന്റെ വാഹനവ്യൂഹവും കറുപ്പ് നിറത്തിലേക്ക് മാറ്റും. നിലവില്‍ മുഖ്യമന്ത്രിയുടെ കാര്‍ ഒഴികെ അദ്ദേഹത്തിന്റെ കാറിനൊപ്പം അകമ്പടി പോകുന്ന ബാക്കി കാറുകളും വെള്ള നിറത്തില്‍ ഉള്ളവയാണ്.
പുതുവര്‍ഷത്തില്‍ തലസ്ഥാനത്ത് എത്തിയ മുഖ്യമന്ത്രി തന്റെ യാത്ര പുതിയ വാഹനത്തിലേക്ക് മാറ്റുകയായിരുന്നു. ഇതു വരെ സംസ്ഥാനത്തെ മുഖ്യമന്ത്രിമാരും മറ്റ് മന്ത്രിമാരും വെള്ള നിറത്തിലുള്ള ഔദ്യോഗിക വാഹനമായിരുന്നു ഉപയോഗിച്ചിരുന്നത്. രാത്രിയാത്രകള്‍ക്ക് കൂടുതല്‍ സുരക്ഷിതവും രാത്രികാലങ്ങളില്‍ ഉണ്ടാകുന്ന ആക്രമണം തടയാന്‍ വാഹനം കറുപ്പ് നിറം ആക്കുന്നതാണ് നല്ലത് എന്ന് ചൂണ്ടിക്കാട്ടി മുന്‍ പൊലീസ് മേധാവി ലോക്‌നാഥ് ബെഹ്‌റയുടെ ശിപാര്‍ശ പ്രകാരമാണ് കാറിന്റെ നിറം മാറ്റാന്‍ തീരുമാനിച്ചത്.
Read more
രാജ്യത്തെ ജനപ്രിയ എംപിവിയാണ് ഇന്നോവ ക്രിസ്റ്റ. 62.5 ലക്ഷം രൂപ മുടക്കിയാണ് കറുത്ത കാറുകള്‍ വാങ്ങിയിരിക്കുന്നത്. നേരത്തെ ഉപയോഗിച്ചിരുന്ന കാറിനെക്കാള്‍ സൗകര്യമുള്ളവയാണ് പുതിയ കാറുകള്‍. പെട്രോള്‍, ഡീസല്‍ എഞ്ചിന്‍ ഓപ്ഷനുകള്‍ മാനുവല്‍, ഓട്ടോമാറ്റിക്ക് ട്രാന്‍സ്മിഷന്‍ ഓപ്ഷനുകളില്‍ ഈ വാഹനം ലഭ്യമാണ്. പ്രധാനമന്ത്രി നരേന്ദ്ര മോദിയുടെ വാഹനവ്യൂഹത്തിലേക്ക കോടികള്‍ വിലമതിക്കുന്ന അതീവ സുരക്ഷാ സജ്ജീകരണങ്ങളുള്ള മേഴ്‌സിഡസ് ബെന്‍സിന്റെ മെയ്ബാക്ക് കാര്‍ എത്തിയതും അടുത്തിടെയാണ്.
