പഞ്ചാബ് സര്‍ക്കാര്‍ പൊതുഗതാഗത സംവിധാനങ്ങള്‍ നിര്‍ത്തുന്നു. കൊറോണ വൈറസ് വ്യാപനത്തിന്റെ പശ്ചാത്തലത്തില്‍ വൈറസ് കൂടുതല്‍ പടരുന്നത് തടയാനാണ് ഈ നടപടി.
ബസുകള്‍, ഓട്ടോറിക്ഷ, ടെംപോ എന്നിവയ്ക്കാണ് നിരോധനം. ഈ വാഹനങ്ങള്‍ ശനിയാഴ്ച മുതല്‍ സംസ്ഥാനത്ത് ഓടാന്‍ അനുവദിക്കില്ല. വെള്ളിയാഴ്ച അര്‍ദ്ധരാത്രി മുതല്‍ നിരോധനം പ്രാബല്യത്തില്‍ വരും.
Read more
വ്യാഴാഴ്ച ചേര്‍ന്ന മന്ത്രിമാരുടെ കൊറോണ അവലോകന യോഗത്തിലാണ് ഇതു സംബന്ധിച്ച തീരുമാനം. 20 പേരില്‍ കൂടുതല്‍ ഒത്തുചേരുന്ന പരിപാടികളൊന്നും അനുവദിക്കില്ലെന്നും സര്‍ക്കാര്‍ തീരുമാനമെടുത്തു. രണ്ട് കൊറോണ വൈറസ് കേസുകള്‍ പഞ്ചാബില്‍ റിപ്പോര്‍ട്ട് ചെയ്തിട്ടുണ്ട്.
