പഞ്ചാബില്‍ വോട്ടെണ്ണല്‍ തുടങ്ങി മണിക്കൂറുകള്‍ക്കകം തന്നെ കോണ്‍ഗ്രസിനെ നാമാവശേഷമാക്കി ആംആദ്മിപാര്‍ട്ടി മുന്നേറുമ്പോള്‍ പ്രവര്‍ത്തകരുടെ സന്തോഷപ്രകടനം തുടങ്ങിക്കഴിഞ്ഞു. മുഖ്യമന്ത്രി സ്ഥാനാര്‍ത്ഥിയായ ഭഗവന്ത് മന്നിന്റെ സംഗ്രൂരിലെ വീടിന് മുന്നിലാണ് പാര്‍ട്ടി പ്രവര്‍ത്തകര്‍ ആഹ്ലാദ പ്രകടനം നടത്തുന്നത്.
പാര്‍ട്ടി ചിഹ്നമായ ചൂലുമായി പ്രവര്‍ത്തകര്‍ പാട്ടും മേളവുമായി നൃത്തം ചെയ്യുന്നതിന്റെ വീഡിയോ എഎന്‍ഐ സാമൂഹ്യമാധ്യമത്തില്‍ പങ്കുവെച്ചിട്ടുണ്ട്. ധുരി മണ്ഡലത്തില്‍ നിന്ന് മത്സരിക്കുന്ന ഭഗവന്ത് മന്‍ വ്യക്തമായ ലീഡ് നിലയില്‍ മുന്നേറിക്കൊണ്ടിരിക്കുകയാണ്.
എക്‌സിറ്റ് പോളുകള്‍ ശരിയാണെന്ന് സ്ഥാപിക്കുന്ന തരത്തിലാണ് ആംആദ്മിയുടെ മുന്നേറ്റം. 80ല്‍ അധികം സീറ്റുകളില്‍ ആംആദ്മി മുന്നിട്ട്് നില്‍ക്കുകയാണ്. മുന്‍ മുഖ്യമന്ത്രി സ്ഥാനാര്‍ത്ഥിയായ അമരിന്ദര്‍ സിങ്ങ് മത്സരിക്കുന്ന രണ്ട് സീറ്റുകളിലും പിന്നിട്ടു നില്‍ക്കുന്നു. മുഖ്യമന്ത്രിയടക്കം മറ്റ് പ്രമുഖ സ്ഥാനാര്‍ത്ഥികളും ലീഡ് നിരയില്‍ പിന്നിലാണ്.
#WATCH | Celebrations at AAP's CM candidate Bhagwant Mann's residence in Sangrur as the party crosses the majority mark in Punjab. Mann leading from his seat Dhuri. #PunjabElections2022 pic.twitter.com/nzoJ9QyoJ1
— ANI (@ANI) March 10, 2022
Read more
