ആം ആദ്മി പാർട്ടി നേതാവും ഡൽഹിലെ ജലമന്ത്രിയുമായ അതിഷി മർലീന നിരാഹാര സമരം അവസാനിപ്പിച്ചു. ആരോഗ്യനില വഷളായ സാഹചര്യത്തിലാണ് അഞ്ചു ദിവസമായി തുടർന്ന് വന്ന നിരാഹാര സമരം അതിഷി മർലീന അവസാനിപ്പിക്കുന്നത്. ഡൽഹിയിലെ ജലക്ഷാമം പരിഹരിക്കണമെന്നാവശ്യപ്പെട്ടായിരുന്നു സമരം. ഹരിയാന സർക്കാർ തങ്ങളുടെ ജല വിഹിതം വിട്ട് തരണമെന്നും അതിഷി മർലീന ആവശ്യപ്പെട്ടിരുന്നു.
ദിവസേന ഡൽഹിക്ക് അർഹതപ്പെട്ട 100 ദശലക്ഷം ഗാലൻ ജലം ഹരിയാന സർക്കാർ നൽകണമെന്നും ആ ജലം അടിയന്തര പ്രാധാന്യത്തിൽ വിട്ട് തരണമെന്നും ആവശ്യപ്പെട്ടാണ് ആതിഷി നിരാഹര സമരം ആരംഭിച്ചിച്ചത്. ഇന്ന് പുലർച്ചയോടെ അതിഷിയുടെ ആരോഗ്യനില വഷളാകുകയും ആശുപത്രിയിൽ പ്രവേശിപ്പിക്കുകയും ചെയ്തു. തുടർന്നാണ് എ എ പിയിൽ നിന്നും സമരം ആവസാനിപ്പിച്ചതായി അറിയിപ്പ് ഉണ്ടായത്.
‘ഡൽഹിക്ക് അർഹമായ വെള്ളം നൽകുന്നതിനായി ഉപവാസം നടത്തി. ഇന്ന് ആരോഗ്യനില വഷളായതിനെ തുടർന്ന് ആശുപത്രിയിൽ പ്രവേശിപ്പിച്ചിരിക്കുകയാണ്.
ഞങ്ങൾ പ്രധാനമന്ത്രിക്ക് കത്തെഴുതും, ഡൽഹിയിലെ ജലപ്രശ്നം ഉടൻ അവസാനിക്കുമെന്ന് ഞങ്ങൾ പ്രതീക്ഷിക്കുന്നു’- എ എ പി നേതാക്കൾ എക്സിൽ കുറിച്ചു.
दिल्ली को उसके हक़ का पानी दिलाने के लिए @AtishiAAP जी ने अनशन किया। आज उनकी तबीयत बिगड़ गई और वह अस्पताल में भर्ती हैं।
हम PM को चिट्ठी लिखेंगे और हमें उम्मीद है कि दिल्ली में पानी की समस्या जल्द ख़त्म हो जाएगी। @AAPNDGupta pic.twitter.com/IVREhiU7xs
— AAP (@AamAadmiParty) June 25, 2024
