ബെയ്‌റൂത്തിന്റെ തെക്കൻ പ്രാന്തപ്രദേശത്ത് ചൊവ്വാഴ്ച രാവിലെ ഇസ്രായേൽ നടത്തിയ വ്യോമാക്രമണത്തിൽ മൂന്ന് പേർ കൊല്ലപ്പെടുകയും ഏഴ് പേർക്ക് പരിക്കേൽക്കുകയും ചെയ്തു. ഇസ്രായേൽ വെടിനിർത്തൽ കരാർ ലംഘിച്ച ഏറ്റവും പുതിയ സംഭവമാണിതെന്ന് ലെബനൻ ആരോഗ്യ മന്ത്രാലയം അറിയിച്ചു. ബെയ്‌റൂത്തിന്റെ തെക്കൻ പ്രാന്തപ്രദേശത്തുള്ള ഒരു കെട്ടിടത്തെ ലക്ഷ്യമിട്ട് ഇസ്രായേൽ വ്യോമാക്രമണം നടത്തിയതായി ലെബനീസ് സ്റ്റേറ്റ് ന്യൂസ് ഏജൻസിയായ എൻ‌എൻ‌എ നേരത്തെ റിപ്പോർട്ട് ചെയ്തിരുന്നു.
ഇസ്രായേൽ വ്യോമാക്രമണത്തെ ലെബനൻ പ്രസിഡന്റ് ജോസഫ് ഔൺ ശക്തമായി അപലപിച്ചു. ലോകമെമ്പാടുമുള്ള ലെബനന്റെ “സുഹൃത്തുക്കളോട്” രാജ്യത്തിന്റെ സമ്പൂർണ്ണ പ്രദേശിക പരമാധികാരത്തിനുള്ള അവകാശത്തെ പിന്തുണയ്ക്കാൻ ആഹ്വാനം ചെയ്തു. ഇസ്രായേലി വ്യോമാക്രമണം “ലെബനനെതിരെയുള്ള (ഇസ്രായേലിന്റെ) ഉദ്ദേശ്യങ്ങളെക്കുറിച്ചുള്ള അപകടകരമായ മുന്നറിയിപ്പാണ്” എന്നും അദ്ദേഹം പറഞ്ഞു. തെക്കൻ ബെയ്റൂത്തിലെ ഇസ്രായേൽ വ്യോമാക്രമണത്തെ വെടിനിർത്തലിന്റെയും യുഎൻ പ്രമേയം 1701 ന്റെയും വ്യക്തമായ ലംഘനമാണെന്ന് ലെബനൻ പ്രധാനമന്ത്രി നവാഫ് സലാം പറഞ്ഞു.
Read more
“ഇസ്രായേൽ സിവിലിയന്മാർക്ക് അടിയന്തര ഭീഷണി” ഉയർത്തുന്ന ഒരു ഹിസ്ബുള്ള അംഗത്തെ ലക്ഷ്യമിട്ടാണ് ആക്രമണമെന്ന് ഇസ്രായേലി സൈനിക പ്രസ്താവന അവകാശപ്പെട്ടു. 2024 നവംബർ 27 ന് ഇസ്രായേലും ലെബനനും തമ്മിലുള്ള വെടിനിർത്തൽ കരാറിനുശേഷം ഈ പ്രദേശത്തുണ്ടായ ആദ്യത്തെ ഇസ്രായേലി ആക്രമണമാണിത്. നവംബർ മുതൽ ലെബനനിൽ ദുർബലമായ ഒരു വെടിനിർത്തൽ നിലവിലുണ്ടായിരുന്നു.
