മെൽബണിൽ നടക്കുന്ന നാലാം ബോർഡർ ഗവാസ്‌കർ ട്രോഫി (ബിജിടി) ടെസ്റ്റിന് മുന്നോടിയായി സ്റ്റാർ ഇന്ത്യ ബാറ്റർ കെഎൽ രാഹുലിന് പരിക്ക് പറ്റിയതായി റിപ്പോർട്ടുകൾ. നാലാം ടെസ്റ്റ് ഡിസംബർ 26 വ്യാഴാഴ്ച ആരംഭിക്കും. നെറ്റ്സിൽ ബാറ്റ് ചെയ്യുന്നതിനിടെ, രാഹുലിൻ്റെ വിരലുകളിൽ പന്ത് കൊള്ളുക ആയിരുന്നു. എന്നാൽ ഇത് ഗുരുതര പരുക്കാണോ എന്ന് ഇതുവരെ സ്ഥിരീകരിച്ചിട്ടില്ല. മെൽബൺ ടെസ്റ്റിന് മുമ്പ് രാഹുൽ ഫിറ്റ് ആകുമെന്നും അത് വലിയ പരിക്കല്ലെന്നും ഇന്ത്യൻ ടീം മാനേജ്‌മെൻ്റ് പ്രതീക്ഷിക്കുന്നു.
പരിശീലനത്തിനിടെ വലംകൈയുടെ വിരലുകളിൽ പന്ത് കൊണ്ടതിന് വേദം ബാറ്ററെ ടീം ഫിസിയോ ചികിത്സിക്കുന്ന വീഡിയോ സോഷ്യൽ മീഡിയയിൽ പ്രചരിക്കുന്നുണ്ട്. പരമ്പരയിൽ ഇന്ത്യയുടെ ഏറ്റവും മികച്ച താരമായ രാഹുൽ ടീമിൽ ഇല്ലെങ്കിൽ അത് തിരിച്ചടി തന്നെയാകും. എന്തയാലും രാഹുൽ കളിക്കുമെന്ന് തന്നെയാണ് പ്രതീക്ഷിക്കപ്പെടുന്നത്.
അതേസമയം ബ്രിസ്ബേനിലെ ഗാബയിൽ ഇന്ത്യയും ഓസ്ട്രേലിയയും തമ്മിലുള്ള മൂന്നാം ടെസ്റ്റിന് ശേഷം രവിചന്ദ്രൻ അശ്വിൻ അന്താരാഷ്ട്ര ക്രിക്കറ്റിൽ നിന്ന് വിരമിച്ചിരുന്നു. അനിൽ കുംബ്ലെയ്ക്ക് ഇന്ത്യൻ ദേശീയ ക്രിക്കറ്റ് ടീമിനായി ഫോർമാറ്റുകളിലായി ഏറ്റവും കൂടുതൽ വിക്കറ്റ് വീഴ്ത്തിയ രണ്ടാമത്തെ താരമാണ് 38-കാരനായ അശ്വിൻ. 11 പ്ലെയർ ഓഫ് ദി സീരീസ് അവാർഡുകൾ അശ്വിൻ നേടിയത് അദ്ദേഹത്തിന്റെ മഹത്തായ കരിയറിനെ പ്രതിഫലിപ്പിക്കുന്നു.
അശ്വിന് പകരം ഇനി ആര് അദ്ദേഹത്തിന്റെ റോൾ ചെയ്യും എന്ന ചോദ്യം ഇന്ത്യൻ ടീമിൽ ഉള്ളപ്പോൾ വാഷിംഗ്‌ടൺ സുന്ദർ, കുൽദീപ് യാദവ് തുടങ്ങിയവർ ആണ് ആ സ്ഥാനത്തിന് വേണ്ടി മത്സരിക്കുന്നത്.
