ന്യൂസിലൻഡിനെതിരായ ആദ്യ ടെസ്റ്റ് മത്സരത്തിൻ്റെ മൂന്നാം ദിനത്തിൽ ഇന്ത്യൻ ഫാസ്റ്റ് ബൗളിംഗ് സ്റ്റാർ ജസ്പ്രീത് ബുംറ ടീം മാനേജ്‌മെൻ്റിനെ ആശങ്കയിലാഴ്ത്തി. ആദ്യ ഇന്നിംഗ്‌സിനിടെ നടുവിരലിൽ ചോര വാർന്ന് ബുംറയ്ക്ക് പരിക്കേറ്റെങ്കിലും വേദന അവഗണിച്ച് ഫാസ്റ്റ് ബൗളർ ഓവർ പൂർത്തിയാക്കി.
ബംഗളൂരുവിലെ എം. ചിന്നസ്വാമി സ്റ്റേഡിയത്തിൽ അവരുടെ ആദ്യ ഇന്നിംഗ്‌സിൽ 46 റൺസിന് ഇന്ത്യ പുറത്താക്കുക ആയിരുന്നു. രണ്ടാം ദിനം കളി അവസാനിക്കുമ്പോൾ ന്യൂസിലൻഡ് 134 റൺസിൻ്റെ ലീഡ് നേടിയിരുന്നു. ഇന്ന് മൂന്നാം ദിനത്തിലേക്ക് വന്നപ്പോൾ 350 ന് മുകളിൽ ലിഡ് ഉയർത്തിയ കിവീസ് ജയം ഉറപ്പിച്ചിരിക്കുന്നു.
ന്യൂസിലൻഡ് ഒന്നാം ഇന്നിംഗ്‌സിൻ്റെ 86-ാം ഓവറിലായിരുന്നു സംഭവം. ഓവറിൻ്റെ മധ്യത്തിലാണ് ടീം ഇന്ത്യയുടെ ഫിസിയോ കളത്തിലെത്തിയത്. ബൗളിങ്ങിനിടെ ബുംറയുടെ നടുവിരലിൽ മുറിവേറ്റതിനെ തുടർന്ന് വിരലിൽ നിന്ന് രക്തം വന്നെന്ന് കമന്ററി പാനലിലുണ്ടായിരുന്ന മുൻ ഇന്ത്യൻ ക്യാപ്റ്റൻ സുനിൽ ഗവാസ്‌കർ പറഞ്ഞു.
നടുവിരലിന് പരിക്കേറ്റെങ്കിലും, ബുംറ ഓവർ പൂർത്തിയാക്കി. മത്സരത്തിൽ ഒരു വിക്കറ്റ് മാത്രമാണ് താരത്തിന് വീഴ്ത്താനായത്.
— Kirkit Expert (@expert42983) October 18, 2024
Read more
