2023ലെ ഏഷ്യാ കപ്പിനുള്ള ടീം ഇന്ത്യയുടെ തയ്യാറെടുപ്പുകളില്‍ കെഎല്‍ രാഹുലിന്റെ നിര്‍ണായക സ്ഥാനത്തെ കുറിച്ച് വിലയിരുത്തലുമായി ഇന്ത്യന്‍ മുന്‍ താരം സഞ്ജയ് ബംഗാര്‍. കീപ്പ് ചെയ്യാന്‍ പറ്റില്ലെങ്കില്‍ രാഹുലിനെ പ്ലേയിംഗ് ഇലവനില്‍ ഉള്‍പ്പെടുത്തരുതെന്ന് ബംഗാര്‍ പറഞ്ഞു.
വിക്കറ്റ് കീപ്പര്‍ ബാറ്ററായിരിക്കും ടീമിന്റെ ബാലന്‍സ് നിലനിര്‍ത്തുന്നത്. ഇന്ത്യന്‍ ടീമിലെ ടോപ് 5 ബാറ്റര്‍മാരില്‍ ആരും പന്തെറിയുന്നവരല്ല. അങ്ങനെ വരുമ്പോള്‍ ആറാം ബൗളിംഗ് ഓപ്ഷന്‍ വരണമെങ്കില്‍ ഒരാള്‍ പന്തെറിയാന്‍ കഴിയുന്നയാളോ വിക്കറ്റ് കീപ്പര്‍ ബാറ്ററോ ആയിരിക്കണം. കെ എല്‍ രാഹുല്‍ വിക്കറ്റ് കീപ്പര്‍ ബാറ്റാണ്. വിക്കറ്റ് കീപ്പറായി മാത്രമേ രാഹുലിനെ പ്ലേയിംഗ് ഇലവനിലേക്ക് പരിഗണിക്കാനാകൂ. എങ്കില്‍ മാത്രമേ ടീമിനെ സന്തുലിതമാക്കാന്‍ കഴിയൂ.
അതിനാല്‍ കെഎല്‍ രാഹുല്‍ ടീമിലെ വിക്കറ്റ് കീപ്പറുടെ ചുമതലയാണ് വഹിക്കേണ്ടത്. ഇതിന് ശേഷം മാത്രമേ ടീം ബാലന്‍സ് ശ്രദ്ധിക്കേണ്ടതിനാല്‍ രാഹുലിനെ സ്പെഷ്യലിസ്റ്റ് ബാറ്ററായി ഇലവനിലേക്ക് പരിഗണിക്കേണ്ടതുള്ളൂ. ഏകദിനത്തില്‍ നമ്പര്‍ 1 വിക്കറ്റ് കീപ്പറേയാണ് ഇലവനില്‍ കളിപ്പിക്കേണ്ടത്. പാതി ഫിറ്റ്നസുള്ള താരത്തെയോ പരിക്കേല്‍ക്കുമെന്ന് ഭയമുള്ള താരത്തേയോ പരിഗണിക്കേണ്ടതില്ല- സഞ്ജയ് ബാംഗര്‍ പറഞ്ഞു.
Read more
പരിക്കില്‍ നിന്ന് മുക്തനായ രാഹുല്‍ ബെംഗളൂരുവിലെ ഇന്ത്യന്‍ ക്യംപില്‍ നെറ്റ്സില്‍ ബാറ്റിംഗ് പരിശീലനം ആരംഭിച്ചിട്ടുണ്ട്. എന്നാല്‍ ഇതുവരെ രാഹുല്‍ വിക്കറ്റ് കീപ്പിംഗ് ഡ്രില്‍ ആരംഭിച്ചിട്ടില്ല.
