ഇന്ത്യൻ ക്രിക്കറ്റിന്റെ തലവര മാറ്റിയ ഇതിഹാസങ്ങളാണ് സച്ചിൻ ടെണ്ടുൽക്കറും വിരാട് കോഹ്‌ലിയും. സച്ചിൻ നേടിയ നേട്ടങ്ങൾ മറികടക്കുന്ന ലക്ഷ്യത്തിലേക്കാണ് വിരാട് കോഹ്ലി ഇപ്പോൾ സഞ്ചരിക്കുന്നത്. ഏകദിനത്തിൽ ഏറ്റവും കൂടുതൽ സെഞ്ചുറി നേടുന്ന ഇന്ത്യൻ താരമെന്ന റെക്കോഡ് വിരാട് കോഹ്ലി ദിവസങ്ങൾക്ക് മുൻപ് സ്വന്തമാക്കിയിരുന്നു.
ചാമ്പ്യൻസ് ട്രോഫിയിൽ പാകിസ്താനെതിരെ നടന്ന മത്സരത്തിൽ ഇന്ത്യ വിജയിച്ചത് വിരാട് കോഹ്‌ലിയുടെ സെഞ്ച്വറി കരുത്തിലായിരുന്നു. നാളുകൾ ഏറെയായി സച്ചിൻ ടെണ്ടുൽക്കറിനെയും വിരാട് കൊഹ്‍ലിയെയും താരതമ്യം ചെയ്യ്തുള്ള കണക്കുകൾ പല മുൻ താരങ്ങളും ആരാധകരും നടത്തുന്നു. ഇതിനെ കുറിച്ച് സംസാരിച്ചിരിക്കുകയാണ് മുൻ ഇന്ത്യൻ താരമായ സുനിൽ ഗവാസ്കർ.
സുനിൽ ഗവാസ്കർ പറയുന്നത് ഇങ്ങനെ:
” ഞാനൊരിക്കലും പല തലമുറകളിലെ താരങ്ങളെ തമ്മിൽ താരതമ്യം ചെയ്യില്ല. എന്തെന്നാൽ ഓരോ തലമുറയിലെ താരങ്ങളും വ്യത്യസ്തമായ സാഹചര്യങ്ങളിലാവും കളിച്ചിട്ടുള്ളത്. പിച്ചുകൾ വ്യത്യാസപ്പെട്ടിരിക്കും, കളിക്കുന്ന സാഹചര്യങ്ങൾക്ക് വ്യത്യാസമുണ്ടാകും, എതിരാളികളും വ്യത്യാസമുണ്ടാകും. അതുകൊണ്ട് പല തലമുറകളിലെ താരങ്ങൾ തമ്മിൽ താരതമ്യപ്പെടുത്തുന്നത് ബുദ്ധിമുട്ടാണ്” സുനിൽ ഗവാസ്കർ പറഞ്ഞു.
ഇപ്പോൾ നടക്കുന്ന ചാമ്പ്യൻസ് ട്രോഫിയിൽ സെമി ഫൈനലിലേക്ക് ഇന്ത്യ രാജകീയമായി പ്രവേശിച്ചിരിക്കുകയാണ്. നിലവിൽ കപ്പ് ജേതാക്കളാകാനുള്ള സാധ്യത ഇന്ത്യക്ക് തന്നെയാണ്. 2017 ചാമ്പ്യൻസ് ട്രോഫി ഫൈനലിൽ ഇന്ത്യയെ പരാജയപ്പെടുത്തി കപ്പ് ജേതാക്കളായത് പാകിസ്താനായിരുന്നു. അതിനുള്ള മറുപടി കിരീടം ഉയർത്തി രോഹിതും സംഘവും കൊടുക്കും എന്ന വിശ്വാസത്തിലാണ് ആരാധകർ.
Read more
