ഇന്ത്യൻ ക്രിക്കറ്റിന്റെ തലവര മാറ്റിയ ഇതിഹാസമാണ് സച്ചിൻ ടെണ്ടുൽക്കർ. ക്രിക്കറ്റ് ലോകം ഒന്നടങ്കം അദ്ദേഹത്തെ ക്രിക്കറ്റ് ദൈവമായി വാഴ്ത്തുന്നു. സച്ചിന് ശേഷം ഇന്ത്യൻ ടീമിനെ ഉന്നതങ്ങളിൽ എത്തിയത് എം എസ് ധോണി, വിരാട് കോഹ്ലി, രോഹിത് ശർമ്മ എന്നിവരുടെ നിർണായക പങ്ക് കാരണമാണ്.
ഇന്ത്യൻ ടീമിലെ തന്റെ ടോപ് ഫൈവ് താരങ്ങൾ ആരൊക്കെയാണെന്ന് തുറന്ന് പറഞ്ഞിരിക്കുകയാണ് മുൻ ഇന്ത്യൻ താരവും വെടിക്കെട്ട് ഓപ്പണിങ് ബാറ്ററുമായ വിരേന്ദർ സെവാഗ്. എന്നാൽ തന്റെ നമ്പർ വൺ താരം അത് സച്ചിൻ ടെണ്ടുൽക്കർ അല്ലെന്നാണ് വീരു പറയുന്നത്.
വിരേന്ദർ സെവാഗ് പറയുന്നത് ഇങ്ങനെ:
” എല്ലാവരുടെയും ഫേവറിറ്റും എന്റെ റോള്‍ മോഡലുമെല്ലാം സച്ചിന് ടെണ്ടുല്‍ക്കറാണ്. അദ്ദേഹത്തിനൊപ്പം ഗ്രൗണ്ടില്‍ നടക്കുമ്പോഴുണ്ടാവുന്ന അനുഭവത്തെക്കുറിച്ച് നിങ്ങള്‍ക്കറിയാം. സിംഹത്തോടൊപ്പം കാട്ടിലേക്കു പോവുന്നതു പോലെയാണത്. എല്ലാവരുടെയും ശ്രദ്ധ സിംഹത്തിലുമായിരിക്കും. ഇതു കാരണം എനിക്ക് നിശബ്ധമായി റണ്ണെടുക്കാനും കഴിഞ്ഞിരുന്നു”
വിരേന്ദർ സെവാഗ് തുടർന്നു:
” വിരാട് കോഹ്ലിയാണ് എന്റെ ലിസ്റ്റിലെ നമ്പര്‍ വണ്‍. ചേസ് മാസ്റ്ററെന്നു വിശേഷിപ്പിക്കപ്പെടുന്ന അദ്ദേഹത്തെപ്പോലെ സ്ഥിരതയുള്ള ഒരു പ്ലെയര്‍ ഇനിയൊരിക്കലും ഉണ്ടായേക്കില്ല. ഇപ്പോള്‍ കാണുന്ന വിരാട് കോഹ്ലി ആയിരുന്നില്ല തുടക്ക കാലങ്ങളിലുണ്ടായിരുന്നത്. അദ്ദേഹം സമയമെടുക്കുകയും ഒരുപാട് കാര്യങ്ങള്‍ പഠിക്കുകയും ചെയ്തു. 2011-12നു ശേഷം ഫിറ്റ്‌നസിന്റെയും സ്ഥിരതയുടെയും കാര്യത്തില്‍ വിരാട് ഒരുപാട് മാറിയിട്ടുണ്ട്. അതിശയിപ്പിക്കുന്ന ഇന്നിങ്‌സുകളാണ് അദ്ദേഹം കളിച്ചിട്ടുള്ളത്” വിരേന്ദർ സെവാഗ് പറഞ്ഞു.
Read more
