ഓസ്‌ട്രേലിയക്കെതിരായ മൂന്നാം ടെസ്റ്റിനിടെ ഇന്ത്യൻ ടീം മാനേജ്‌മെൻ്റിനെ വിമർശിച്ച് മുൻ പാകിസ്ഥാൻ താരം ബാസിത് അലി. മുഖ്യ പരിശീലകൻ ഗൗതം ഗംഭീറും ക്യാപ്റ്റൻ രോഹിത് ശർമ്മയും തമ്മിൽ വഴക്ക് ഉണ്ടെന്ന് ബാസിത് അഭിപ്രായപ്പെട്ടു. കഴിഞ്ഞയാഴ്ച അഡ്‌ലെയ്ഡ് പിങ്ക് ബോൾ ടെസ്റ്റിൽ ഇന്ത്യയുടെ കനത്ത തോൽവിക്കും ബ്രിസ്‌ബേനിൽ നടന്ന മൂന്നാം ടെസ്റ്റിലെ ഇതുവരെയുള്ള നിരാശാജനകമായ പ്രകടനത്തിനും ശേഷം രോഹിതിൻ്റെ നേതൃത്വം കടുത്ത വിമർശനത്തിന് വിധേയമായി. അഡ്‌ലെയ്ഡ്, ബ്രിസ്‌ബേൻ ടെസ്റ്റുകളിലെ ഇന്ത്യയുടെ പ്രകടനം വിശകലനം ചെയ്യവേ, ക്യാപ്റ്റനും പരിശീലകനും തമ്മിൽ അഭിപ്രായ വ്യത്യാസമുണ്ടെന്ന് ബാസിത് അവകാശപ്പെട്ടു.
“രോഹിത് ശർമ്മയും ഗൗതം ഗംഭീറും തമ്മിൽ അഭിപ്രായ വ്യത്യാസങ്ങൾ ഉണ്ട്. അത് ശ്രീലങ്കയിലെ ഏകദിന ടൂർണമെൻ്റായാലും; ദുര്ബലമായ ബംഗ്ലാദേശ് പരമ്പര ആണെങ്കിലും. ഇരുവരും തമ്മിൽ തർക്കങ്ങൾ ഉണ്ട് ” ബാസിത് തൻ്റെ യൂട്യൂബ് ചാനലിൽ പറഞ്ഞു.
വെറ്ററൻ സ്പിന്നർ രവീന്ദ്ര ജഡേജയെ നടന്നുകൊണ്ടിരിക്കുന്ന ടെസ്റ്റിനുള്ള ടീമിൽ ഉൾപ്പെടുത്തിയതിനെ ബാസിത് വിമർശിച്ചു, ഇതിന് പിന്നിലെ യുക്തിയെ ചോദ്യം ചെയ്തു.”എനിക്ക് അത് വളരെ എളുപ്പത്തിൽ വിശദീകരിക്കാൻ കഴിയും. മൂന്ന് ടെസ്റ്റ് മത്സരങ്ങളിലും, വ്യത്യസ്ത സ്പിന്നർ കളിച്ചു. രണ്ട് ടെസ്റ്റ് മത്സരങ്ങളിൽ, അവർ ടോസ് നേടി ബാറ്റുചെയ്‌തു, പക്ഷേ ഇവിടെ അവർ ബൗളിംഗ് തിരഞ്ഞെടുത്തു. ഓസ്‌ട്രേലിയൻ ടീമിൽ മൂന്ന് ഇടംകൈയ്യൻമാരുണ്ട്. .അപ്പോൾ എന്തുകൊണ്ട് (വാഷിംഗ്ടൺ) സുന്ദറും (രവിചന്ദ്രൻ) അശ്വിനും ടീമിൽ ഇല്ല, ക്രിക്കറ്റ് മനസ്സിലാക്കുന്ന ആരെങ്കിലും തീർച്ചയായും അതിനെക്കുറിച്ച് സംസാരിക്കും, ”അദ്ദേഹം കൂട്ടിച്ചേർത്തു.
ട്രാവിസ് ഹെഡിൻ്റെ ആക്രമണത്തെ പ്രതിരോധിക്കാനുള്ള ടീമിൻ്റെ പോരാട്ടത്തിന് പിന്നിലെ പ്രധാന ഘടകങ്ങളായി ബുംറയെ ഇന്ത്യ അമിതമായി ആശ്രയിക്കുന്നതും ഇടങ്കയ്യൻ പേസ് ബൗളർമാരുടെ ഓപ്ഷനുകളുടെ അഭാവവും ബാസിത് എടുത്തുപറഞ്ഞു. “ഇന്ത്യൻ ടീം ബുംറയെ മാത്രം ആശ്രയിച്ചിരിക്കുന്നു. ബാക്കിയുള്ള ബൗളർമാർ അവർക്ക് വേണ്ട പ്രകടനം നടത്തുന്നില്ല. ഇത് ബുംറയും ഓസ്‌ട്രേലിയയും തമ്മിലാണ് പോരാട്ടം നടക്കുന്നത് എന്ന് തോന്നും. അതുപോലെ തന്നെ. , ഇത് ട്രാവിസ് ഹെഡും ഇന്ത്യയും… രോഹിത്തിനോ (ബൗളിംഗ് കോച്ച്) മോർണി മോർക്കലിനോ (മുഖ്യ പരിശീലകൻ) ഗൗതം ഗംഭീറിനോ ഈ പ്രശ്നം പരിഹരിക്കാൻ കഴിയുന്നില്ല.” അദ്ദേഹം പറഞ്ഞു.
