ഐപിഎല്‍ 2025 മെഗാ ലേലത്തിന് മുന്നോടിയായി ഏറ്റവും കൂടുതല്‍ ചര്‍ച്ചചെയ്യപ്പെട്ട കളിക്കാരില്‍ ഒരാളാണ് ഋഷഭ് പന്ത്. ഡല്‍ഹി ക്യാപിറ്റല്‍സ് താരത്തെ നിലനിര്‍ത്തിയില്ല. അതിനാല്‍ ഥാരം ഇപ്പോള്‍ എല്ലാ ഫ്രാഞ്ചൈസികളുടെയും റഡാറിലാണ്. പന്തിനെ തങ്ങളുടെ പട്ടികയിലേക്ക് കൊണ്ടുവരാന്‍ ഓരോ ടീമും ഉറ്റുനോക്കുമ്പോള്‍, കൊല്‍ക്കത്ത നൈറ്റ് റൈഡേഴ്‌സായിരിക്കും അവിടെ പന്തിന് ഏറ്റവും അനുയോജ്യര്‍.
പിടിഐയുടെ റിപ്പോര്‍ട്ടുകള്‍ പ്രകാരം പന്തിന് ടീം ഉടമകളില്‍ നിന്ന് വലിയ തിരസ്‌കരണം നേടിട്ടു. തന്റെ നായകസ്ഥാനം നീക്കം ചെയ്യപ്പെടുമെന്നറിഞ്ഞതോടെ ഋഷഭ് പന്ത് അതൃപ്തനായിരുന്നുവെന്ന് റിപ്പോര്‍ട്ടുകള്‍ പറയുന്നു. കൂടാതെ, സപ്പോര്‍ട്ട് സ്റ്റാഫിലെ മാറ്റത്തിലും താരം അതൃപ്തി പ്രകടിപ്പിച്ചു. ഇതെല്ലാം താരത്തെ നിലനിര്‍ത്താതിരിക്കാനും മെഗാ ലേലത്തില്‍ ലഭ്യമാകാനും കാരണമായി.
10 ടീമുകള്‍ക്കും ഇത് ഒരു തുറന്ന മൈതാനമായിരിക്കും. ഡല്‍ഹി ക്യാപിറ്റല്‍സിനും അവരുടെ റൈറ്റ് ടു മാച്ച് (ആര്‍ടിഎം) പന്തില്‍ നടപ്പിലാക്കാന്‍ കഴിയും. പക്ഷേ സാഹചര്യങ്ങള്‍ കണക്കിലെടുക്കുമ്പോള്‍ അത് സാധ്യമാണെന്ന് തോന്നുന്നു. പഞ്ചാബ് കിംഗ്സും കൊല്‍ക്കത്ത നൈറ്റ് റൈഡേഴ്സും ടീമിനെ നയിക്കാന്‍ ഒരു താരത്തെ ആവശ്യമുള്ള ടീമുകളാണ്.
ഋഷഭ് പന്ത് കൊല്‍ക്കത്ത നൈറ്റ് റൈഡേഴ്‌സിലേക്ക് മാറുന്നത് മികച്ചൊരു നീക്കമായിരിക്കും. ശക്തമായ ടീമിനെ നയിക്കാനുള്ള അവസരം പന്തിന് ലഭിക്കുന്നത് മാത്രമല്ല നിലവിലെ ചാമ്പ്യന്മാരായി ടൂര്‍ണമെന്റിലേക്ക് പോകുന്ന സൂപ്പര്‍ താരങ്ങളുടെ ടീമിനൊപ്പം ചേരാനാകും പന്തിനാകും.
കെകെആര്‍ ഋഷഭ് പന്തിനെ സൈന്‍ ചെയ്താല്‍ അവര്‍ക്ക് മൂന്ന് മാനദണ്ഡങ്ങള്‍ പാലിക്കാന്‍ കഴിയും – 1. അവര്‍ക്ക് ഒരു ക്യാപ്റ്റനെ ലഭിക്കും, 2. അവര്‍ക്ക് ഒരു കീപ്പറെ ലഭിക്കും, 3. അവര്‍ക്ക് ഒരു മധ്യനിര ഫിനിഷറെ ലഭിക്കും. നൈറ്റ്സിന് ഇതില്‍ കൂടുതല്‍ എന്താണ് വേണ്ടത്. എന്നാല്‍ വിലയുടെ കാര്യത്തിലാവും വെല്ലുവിളി. ഋഷഭ് പന്തിന്റെ ലേലത്തുക 25 കോടിക്ക് മുകളില്‍ പോകുമെന്ന് വ്യക്തമാണ്.
ലേലത്തില്‍ കെകെആര്‍ സ്‌പെഷ്യലൈസ്ഡ് ഇന്ത്യന്‍ കളിക്കാരെ ലക്ഷ്യമിടുന്നു. കൂടാതെ, ഋഷഭ് പന്ത് കെകെആറിനൊപ്പം ചേരുന്നത് അവരുടെ മധ്യനിരയെ കൂടുതല്‍ ശക്തിപ്പെടുത്തും. റിങ്കു സിംഗിനൊപ്പം പന്ത് ജോടിയാകുന്ന ഫിനിഷര്‍ ജോഡി ഏതൊരു ടീമിന്റെയും സ്വപ്നമായിരിക്കും. ലേലത്തില്‍ ടീമുകള്‍ അവരുടെ തന്ത്രങ്ങള്‍ ആസൂത്രണം ചെയ്യുകയും നടപ്പിലാക്കുകയും ചെയ്യുന്നതെന്താണെന്ന് കണ്ടറിയണം.
