ഇന്ത്യന്‍ ടെസ്റ്റ് ടീമിലേക്ക് ഈ വര്‍ഷം മടങ്ങിയെത്താനുള്ള ശ്രേയസ് അയ്യരുടെ സാധ്യതകള്‍ക്ക് മേല്‍ കരിനീഴല്‍ വീഴുന്നു. ഇത് വ്യക്തമാക്കുന്ന പ്രതികരണമാണ് ഇപ്പോള്‍ ബിസിസിഐ വൃത്തങ്ങളില്‍ നിന്നും വരുന്നത്.
നിലവില്‍ ദുലീപ് ട്രോഫിയില്‍ കളിക്കുന്ന താരത്തിന്റെ ഫോമില്‍ ബിസിസിഐ അസംതൃപ്തരാണ്. ദുലീപ് ട്രോഫിയിലെ ഇതുവരെ നാല് ഇന്നിംഗ്‌സില്‍ നിന്ന് 104 റണ്‍സാണ് താരത്തിന്റെ സമ്പാദ്യം. ഒപ്പം മോശം ഷോട്ട് സെലക്ഷനും താരത്തിന് തിരിച്ചടിയാകുന്നുണ്ട്.
‘നിലവില്‍ ഇന്ത്യന്‍ ടെസ്റ്റ് ടീമില്‍ ശ്രേയസിനെ ഉള്‍ക്കൊള്ളാനാവില്ല. ആരെ മാറ്റി പകരം ശ്രേയസിനെ ഉള്‍പ്പെടുത്തും? ദുലീപ് ട്രോഫിയിലെ ശ്രേയസ് അയ്യരുടെ ഷോട്ട് സെലക്ഷനുകളും ആശങ്കയുണ്ടാക്കുന്നതാണ്.’
‘ഞായറാഴ്ച സ്‌കോര്‍ ഉയര്‍ത്തും എന്ന നിലയില്‍ ബാറ്റ് ചെയ്യുകയായിരുന്നു ശ്രേയസ്. എന്നാല്‍ ഇടംകയ്യന്‍ സ്പിന്നര്‍ ഷംസ് മുലാനിക്കെതിരെ ശ്രേയസ് കളിച്ച മോശം ഷോട്ട്. ക്രീസില്‍ സെറ്റ് ആയി, അതുപോലൊരു ഫ്‌ലാറ്റ് പിച്ചില്‍ നിന്ന് കളിക്കുമ്പോള്‍ കിട്ടിയ അവസരം പ്രയോജനപ്പെടുത്താനാവണം’, ബിസിസിഐ വൃത്തങ്ങളെ ഉദ്ധരിച്ച് ടെലിഗ്രാഫ് റിപ്പോര്‍ട്ട് ചെയ്തു.
Read more
9, 54, 0, 41 എന്നതാണ് ദുലീപ് ട്രോഫിയില്‍ നാല് ഇന്നിങ്‌സില്‍ നിന്ന് ശ്രേയസിന്റ സ്‌കോര്‍. ദുലീപ് ട്രോഫിയില്‍ ഒരു റൗണ്ട് മത്സരം കൂടി ബാക്കിയുണ്ട്. അതില്‍ ശ്രേയസിന് മികച്ചൊരും ഇന്നിംഗ്‌സ് പ്രകടനം അനിവാര്യമാണ്. അല്ലാത്ത പക്ഷം ഇന്ത്യന്‍ ടീമിലേക്ക് വരാന്‍ ആഭ്യന്തര ക്രിക്കറ്റില്‍ താരത്തിന് തുടരേണ്ടിവരും.
