ഈ മാസം 19 ആം തിയതി മുതൽ ആരംഭിക്കുന്ന ബംഗ്ലാദേശിനെതിരെ ഉള്ള ആദ്യ ടെസ്റ്റ് പരമ്പരയ്ക്ക് വേണ്ടിയുള്ള തയ്യാറെടുപ്പിലാണ് ഇന്ത്യൻ താരങ്ങൾ. ചെന്നൈ ചെപ്പോക്ക് സ്റ്റേഡിയത്തിൽ വെച്ചാണ് മത്സരം നടത്താൻ നിശ്ചയിച്ചിരിക്കുന്നത്. ഇന്ത്യൻ ടീമിലെ ഏറ്റവും വിലപിടിപ്പുള്ള താരമാണ് പേസർ ജസ്പ്രീത് ബുമ്ര. അദ്ദേഹത്തിന്റെ മികവ് ഒന്ന് കൊണ്ട് മാത്രമാണ് ഇന്ത്യക്ക് ഈ വർഷത്തെ ടി-20 ലോകകപ്പ് നേടാൻ സാധിച്ചത്.
ഈ വർഷം തുടക്കത്തിൽ നടന്ന ഇംഗ്ലണ്ട് പരമ്പരയിലെ ടെസ്റ്റിന് ശേഷം ഒരുപാട് നാളുകൾ കഴിഞ്ഞാണ് ഇന്ത്യ റെഡ് ബോൾ ഫോർമാറ്റിലേക്ക് മടങ്ങി വരുന്നത്. ഇന്ത്യൻ ടീമിലേക്ക് ആർ അശ്വിൻ കുറെ നാളുകൾക്ക് ശേഷമാണ് കളിക്കാൻ വേണ്ടി തയ്യാറെടുക്കുന്നത്. ടീമിലെ ഏറ്റവും പ്രധാന താരമാരാണെന്ന് വെളുപ്പെടുത്തിയിരിക്കുകയാണ് അദ്ദേഹം.
ആർ അശ്വിൻ പറയുന്നത് ഇങ്ങനെ:
“ഇന്ത്യൻ ടീമിൽ രോഹിത്ത് ശർമ്മയും, വിരാട് കോഹ്‌ലിയും കഴിഞ്ഞാൽ ഏറ്റവും വിലപിടിപ്പുള്ള താരമായി ഞാൻ കാണുന്നത് ജസ്പ്രീത് ബുമ്രയെയാണ്. ഞങ്ങൾ ചെന്നൈക്കാർ പൊതുവെ ബോളേഴ്സിനെ അങ്ങേയറ്റം ബഹുമാനിക്കുന്നവരാണ്. ബുമ്ര ടീമിനോടൊപ്പം നാലഞ്ച് ദിവസം മുൻപേ ഇവിടെ ഗസ്റ്റ് ആയി വന്നിരുന്നു. ഞങ്ങൾ സൂപ്പർ സ്റ്റാർ രജനീകാന്തിന് നൽകുന്ന പോലത്തെ ട്രീറ്റ്മെന്റ് ആണ് നൽകിയത്” ആർ അശ്വിൻ പറഞ്ഞു.
Read more
ഈ വർഷം നടന്ന ടി-20 ലോകകപ്പിൽ ജസ്പ്രീത് ബുമ്രയായിരുന്നു പ്ലയെർ ഓഫ് ദി ടൂർണമെന്റ് ആയി തിരഞ്ഞെടുക്കപ്പെട്ടത്. കഴിഞ്ഞ വർഷം നടന്ന ഏകദിന ലോകകപ്പിലും ഇന്ത്യയ്ക്കായി മികച്ച പ്രകടനം അദ്ദേഹം നടത്തി. നിലവിൽ ലോക ടെസ്റ്റ് ചാമ്പ്യൻഷിപ്പ് പോയിന്റ് പട്ടികയിൽ ഇന്ത്യ ആണ് ഒന്നാം സ്ഥാനത്ത്. ബംഗ്ലാദേശുമായുള്ള പരമ്പര ഇന്ത്യയ്ക്ക് ഫൈനൽ പ്രവേശിക്കുന്നതിന് വേണ്ടിയുള്ള നിർണായകമായ മത്സരമാണ്.
