നിലവിലെ നായകൻ രോഹിത് ശർമ്മ ഇതിഹാസ നായകൻ എംഎസ് ധോണിയിൽ നിന്ന് പഠിക്കേണ്ടതുണ്ടെന്ന് മുൻ ഇന്ത്യൻ ബാറ്റർ സഞ്ജയ് മഞ്ജരേക്കർ വിശ്വസിക്കുന്നു. മൂന്നാം ദിവസം (ഒക്‌ടോബർ 18, വെള്ളിയാഴ്ച) ഉച്ചഭക്ഷണ സമയത്ത് ഇന്ത്യയ്‌ക്കെതിരെ എട്ടാം വിക്കറ്റിൽ റച്ചിൻ രവീന്ദ്രയും ടിം സൗത്തിയും സെഞ്ച്വറി പ്ലസ് കൂട്ടുകെട്ട് പങ്കിട്ടപ്പോഴാണ് പ്രതികരണം വന്നത്.
ധോണിയിൽ നിന്ന് വ്യത്യസ്തമായി, സാഹചര്യം ആവശ്യപ്പെടുന്നതുപോലെ ബൗളിംഗ് മാറ്റങ്ങൾ വരുത്തുന്നതിൽ രോഹിത് പരാജയപ്പെട്ടുവെന്ന് മഞ്ജരേക്കർ വിശ്വസിക്കുന്നു, ഇത് ഇന്ത്യയ്‌ക്കെതിരെ സന്ദർശകർക്ക് റൺ കൂടുതൽ കണ്ടെത്താൻ അനുവദിച്ചു എന്നാണ് മുൻ താരം പറഞ്ഞത്.
സഞ്ജയ് മഞ്ജരേക്കർ എക്‌സിൽ എഴുതി:
“ബോളിങ്ങിൽ മാറ്റങ്ങൾ വരുത്താനുള്ള അസാദ്യ മികവ് ധോണിക്ക് ഉണ്ടായിരുന്നു. രോഹിത്തിന് ആ ഗുണം തൻ്റെ നേതൃത്വത്തിലേക്ക് കൊണ്ടുവരേണ്ടതുണ്ട്.”
ക്യാപ്റ്റൻസിയുടെ കാര്യത്തിൽ, 60 ടെസ്റ്റുകളിൽ നിന്ന് 45 എന്ന വിജയശതമാനത്തിൽ ഇന്ത്യയെ 27 വിജയങ്ങളിലേക്കാണ് ധോണി നയിച്ചത്. 18 കളികളിൽ തോൽക്കുകയും 15 സമനിലയിലാവുകയും ചെയ്തു. എന്നിരുന്നാലും, ധോണിയെ അപേക്ഷിച്ച് രോഹിത്തിന് മികച്ച വിജയശതമാനമുണ്ട്.
Read more
19 കളികളിൽ നിന്ന് 63.15 വിജയശതമാനത്തിൽ 12 വിജയങ്ങളിലേക്ക് 37-കാരൻ ഇന്ത്യയെ നയിച്ചു. അദ്ദേഹത്തിൻ്റെ നേതൃത്വത്തിൽ ഇന്ത്യ നിലവിൽ ഐസിസി ലോക ടെസ്റ്റ് ചാമ്പ്യൻഷിപ്പ് (ഡബ്ല്യുടിസി) പോയിൻ്റ് പട്ടികയിൽ ഒന്നാം സ്ഥാനത്താണ്. a
