വരാനിരിക്കുന്ന ഇന്ത്യൻ പ്രീമിയർ ലീഗ് (ഐപിഎൽ) 2025 സീസണിൽ രാജസ്ഥാൻ റോയൽസിനെ (ആർ‌ആർ) നയിക്കാൻ സഞ്ജു സാംസൺ ഒരുങ്ങുന്നു. 2013 ൽ, ഒരു കളിക്കാരനെന്ന നിലയിൽ സാംസൺ റോയൽസിനൊപ്പം തന്റെ യാത്ര ആരംഭിച്ചു. അന്ന് ടീമിനെ നയിച്ചിരുന്ന രാഹുൽ ദ്രാവിഡിന്റെ കീഴിൽ തനിക്ക് അവസരം ലഭിച്ചതെങ്ങനെയെന്ന് അദ്ദേഹം അടുത്തിടെ ഓർമ്മിച്ചു.
2013 ലെ ട്രയൽസ് സമയത്ത് തന്നെ കണ്ടതിന് ശേഷം, ദ്രാവിഡ് തന്നോട് ടീമിനായി കളിക്കാൻ ആവശ്യപ്പെട്ടതെങ്ങനെയെന്ന് സഞ്ജു സാംസൺ ഓർമ്മിച്ചു.
“കാര്യങ്ങൾ എങ്ങനെ മാറി എന്നത് രസകരമാണ്. എന്റെ ആദ്യ സീസണിൽ, ട്രയൽസ് സമയത്ത് എന്നെ കണ്ടെത്തിയത് രാഹുൽ സാറായിരുന്നു. അന്ന് അദ്ദേഹം ക്യാപ്റ്റനായിരുന്നു, യുവ പ്രതിഭകളെ അദ്ദേഹം അന്വേഷിച്ച സമയം ആയിരുന്നു അത്. എന്നെ നോക്കിയ ശേഷം അദ്ദേഹം എന്റെ അടുത്തേക്ക് വന്നു ചോദിച്ചു, ‘ശരി, നിങ്ങൾക്ക് എന്റെ ടീമിൽ കളിക്കാമോ?'” ജിയോഹോട്ട്സ്റ്റാറിൽ സംസാരിക്കുന്നതിനിടെ അദ്ദേഹം പറഞ്ഞു.
എന്തായാലും കാലം സഞ്ജുവിനെ ടീമിന്റെ നായകനാക്കി. പുതിയ സീസണിന് മുമ്പ് ദ്രാവിഡ് മുഖ്യ പരിശീലകനായി ഫ്രാഞ്ചൈസിയിൽ തിരിച്ചെത്തി. 2024 ടി20 ലോകകപ്പ് നേടിയതിന് ശേഷം ദ്രാവിഡിന്റെ പുതിയ അസൈൻമെന്റ് ആണ്. രാജസ്ഥാന്റെ പരിശീലക സ്ഥാനം.
“അന്നുമുതൽ ഇന്നുവരെ, അത് അവിശ്വസനീയമായി തോന്നുന്നു. ഇപ്പോൾ, ഞാൻ ഫ്രാഞ്ചൈസിയുടെ ക്യാപ്റ്റനാണ്, രാഹുൽ സർ വർഷങ്ങൾക്ക് ശേഷം ടീമിനെ പരിശീലിപ്പിക്കാൻ തിരിച്ചെത്തിയിരിക്കുന്നു എന്നത് സന്തോഷമുണ്ടാക്കുന്നു” അദ്ദേഹം കൂട്ടിച്ചേർത്തു.
രാജസ്ഥാൻ അവരുടെ ഐപിഎൽ 2025 ലെ ആദ്യ പോരാട്ടത്തിൽ സൺറൈസേഴ്സ് ഹൈദരാബാദിനെ നേടും.
