ഇന്നലെ നടന്ന ഇന്ത്യ പാകിസ്ഥാൻ മത്സരത്തിൽ പാകിസ്ഥാനെ തകർത്തതിന് ശേഷം, ഇന്ത്യൻ നായകൻ രോഹിത് ശർമ്മ താൻ ഇത്രയും വലിയ സിക്സറുകൾ അടിക്കുന്നതിന്റെ കാരണം വെളിപ്പെടുത്തി. ചിരവൈരികളായ പാകിസ്ഥാനെ 29 ഓവറിലധികം ശേഷിക്കെ ഇന്ത്യ 7 വിക്കറ്റിന് ജയിച്ചതിന് ശേഷം സ്റ്റാർ ഓൾറൗണ്ടർ ഹാർദിക് പാണ്ഡ്യ ആങ്കർ/ഇന്റർവ്യൂവറുടെ തൊപ്പി അണിഞ്ഞു രോഹിത്തിനോട് ചോദ്യങ്ങൾ ചോദിക്കാൻ തുടങ്ങി. ഹാർദിക് സമയം പാഴാക്കാതെ ഉടൻ തന്നെ തന്റെ നായകൻ രോഹിതിനോട് ചോദ്യങ്ങൾ ചോദിക്കാൻ തുടങ്ങി.
ഒരു സിക്‌സ് അടിച്ചതിന് ശേഷമുള്ള തന്റെ ആഘോഷത്തെക്കുറിച്ച് സംസാരിച്ച രോഹിത് പറഞ്ഞു, “അദ്ദേഹം (അമ്പയർ മറായിസ് ഇറാസ്മസ്) എന്നോട് ചോദിക്കുകയായിരുന്നു, നിങ്ങൾക്ക് എങ്ങനെയാണ് ഇത്തരം സിക്സറുകൾ അടിക്കാൻ കഴിയുന്നത്? നിങ്ങളുടെ ബാറ്റിൽ എന്തെങ്കിലും ശക്തി ഉണ്ടോ?’ ഞാൻ അദ്ദേഹത്തോട് പറഞ്ഞു, ഇല്ല, ഇത് ബാറ്റല്ല. അതെല്ലാം എന്റെ മസിൽ പവറാണ്.” രോഹിത് ചിരിച്ചുകൊണ്ട് മറുപടി പറഞ്ഞു..
രോഹിത് അമ്പയറെ തന്റെ മസിൽ കാണിക്കുന്ന ചിത്രം സോഷ്യൽ മീഡിയയിൽ പ്രചരിച്ചിരുന്നു. ഇതിന് പിന്നാലെയാണ് രോഹിത്തിനോട് ഹാര്ദിക്ക് അമ്പയർ എന്താണ് സംസാരിച്ചതെന്ന് എന്ന് ചോദിച്ചത്. ഓസ്‌ട്രേലിയക്ക് എതിരായ ആദ്യ മത്സരത്തിലെ നിരാശപ്പെടുത്തുന്ന പ്രകടനത്തിന് ശേഷം തുടർച്ചയായ രണ്ട് മത്സരങ്ങളിലും മികച്ച പ്രകടനം നടത്തിയ രോഹിത് 2019 ലോകകപ്പിലെ പോലെ തന്നെ മികച്ച പ്രകടനമാണ് ഈ വർഷവും ലക്ഷ്യമിടുന്നത്.
കൂടുതൽ ആധികാരിതയോടെ ഈ മത്സരവും ജയിച്ച്‌ മറ്റ് ടീമുകളുടെ ഫലങ്ങൾക്ക് കാത്തിരിക്കാതെ മുന്നോട്ട് കുതിക്കാൻ ആണ് ഇന്ത്യയുടെ ശ്രമം. ഈ തോൽവി പക്ഷെ പാകിസ്ഥാൻ ക്രിക്കറ്റിനെ വളരെ മോശമായിട്ടാണ് ബാധിച്ചിരിക്കുന്നത് എന്നും പറയാം.
ലോകകപ്പ് മത്സരങ്ങളിൽ ഇന്ത്യക്ക് എതിരെ അവസാനം കളിച്ച 8 മത്സരങ്ങളിലും തോറ്റ അപമാനം തീർക്കാൻ ഇറങ്ങിയ പാകിസ്താന് 7 വിക്കറ്റിന്റെ തോൽവിയെറ്റ് വാങ്ങേണ്ടതായി വന്നിരുന്നു. പാകിസ്താൻ ഉയർത്തിയ 192 ലക്ഷ്യം പിന്തുടർന്ന് ഇന്ത്യ രോഹിത് ശർമ്മയുടെയും ശ്രേയസ് അയ്യരുടെയും തകർപ്പൻ അർദ്ധ സെഞ്ച്വറി മികവിൽ ലക്ഷ്യം മറികടന്നു,. മികച്ച ജയത്തോടെ പോയിന്റ് പട്ടികയിൽ ഒന്നാമത്ത് എത്താനും ഇന്ത്യക്ക് സാധിച്ചു.
— Rohit Sharma Trends™ (@TrendsRohit) October 15, 2023
Read more
