വിജയ് ഹസാരെ ട്രോഫിയിലെ ക്വാര്‍ട്ടര്‍ ഫൈനലില്‍ തകര്‍ച്ചയോടെ തുടങ്ങിയ കേരളം കര കയറുന്നു. 24 റണ്‍സിനിടെ രണ്ടു വിക്കറ്റ് നഷ്ടമാക്കിയ കേരളത്തെ വിനൂപ് മനോഹരന്‍-രോഹന് എസ്. കുന്നുമ്മല്‍ സഖ്യത്തിന്റെ അര്‍ദ്ധ സെഞ്ച്വറി കൂട്ടുകെട്ടാണ് കൈപിടിച്ചുയര്‍ത്തിയത്. ഇരുവരും ചേര്‍ന്ന് മൂന്നാം വിക്കറ്റില്‍ 81 റണ്‍സാണ് സ്‌കോര്‍ ബോര്‍ഡില്‍ ചേര്‍ത്തത്.
54 ബോളില്‍ 41 റണ്‍സെടുന്ന വിനൂപ് പുറത്തായെങ്കിലും രോഹന് മികച്ച രീതിയില്‍ ബാറ്റ് വീശി ക്രീസിലുണ്ട്. രോഹന് 87 ബോളില്‍ 65 (2×6, 4×4) റണ്‍സെടുത്തിട്ടുണ്ട്. 30 ഓവര്‍ പൂര്‍ത്തിയാകുമ്പോള്‍ മൂന്ന് വിക്കറ്റ് നഷ്ടത്തില്‍ 133 റണ്‍സെന്ന നിലയിലാണ് കേരളം. രോഹന് ഒപ്പം 11 റണ്‍സുമായി സച്ചിന്‍ ബേബിയാണ് ക്രീസില്‍.
വിജയ് ഹസാരെ ട്രോഫി: മാറ്റമില്ലാതെ സഞ്ജു, സര്‍വീസസിനെതിരെ കേരളം തരിപ്പണം
മത്സരത്തില്‍ ടോസ് നേടിയ സര്‍വീസസ് കേരളത്തെ ബാറ്റിംഗിന് അയക്കുകയായിരുന്നു. ജയ്പുരിലെ കെ.എല്‍. സെയ്‌നി സ്റ്റേഡിയത്തിലാണ് മത്സരം. ജലജ് സക്‌സേന (0), മുഹമ്മദ് അസ്ഹറുദ്ദീന്‍ (7) എന്നിവരുടെ വിക്കറ്റുകള്‍ കേരളത്തിന് തുടക്കത്തിലെ നഷ്ടമായിരുന്നു. ദിവേഷ് ഗുര്‍ദേവ് പതാനിയ ആണ് രണ്ട് പേരെയും മടക്കിയത്.
സഞ്ജു സാംസണ്‍ നയിക്കുന്ന കേരളം എലീറ്റ് ഗ്രൂപ്പ് ഡിയിലെ 5 മത്സരങ്ങളില്‍ നാലും ജയിച്ച് ഗ്രൂപ്പ് ജേതാക്കളായാണ് ക്വാര്‍ട്ടറിലെത്തിയത്. ഗ്രൂപ്പ് റൗണ്ടില്‍ കരുത്തരായ മഹാരാഷ്ട്രയെ അടക്കം വീഴ്ത്തിയ കേരളം മധ്യപ്രദേശിനോടു മാത്രമാണു തോറ്റത്.
Read more
2012-13 സീസണില്‍ സെമിയിലെത്തിയതാണ് ടൂര്‍ണമെന്റില്‍ കേരളത്തിന്റെ ഏറ്റവും മികച്ച പ്രകടനം. ഗഴിഞ്ഞ തവണ ക്വാര്‍ട്ടറില്‍ കര്‍ണാടകയോടു തോറ്റു പുറത്തായിരുന്നു.
