ആരാടാ പറഞ്ഞത് കേരളം എന്നാൽ ശ്രീശാന്തും സഞ്ജുവും മാത്രം ആണെന്ന്. അനന്ത പദ്മനാഭൻ എന്ന ഡോമസ്റ്റിക് ലെജന്റിനെ പറ്റി വാതോരാതെ പത്രങ്ങളിൽ വായിച്ചിട്ടുണ്ട്. സുനിൽ ഓയാസിസ് അജയ് കുടുവ സോണി ചെറുവത്തൂർ ഇവരൊക്കെ ഡോമസ്റ്റിക്ക് തിളങ്ങിയത് പത്രത്താളുകളിൽ വായിച്ചിട്ടുണ്ട്.
ആദ്യ ഓവറിലെ വിക്കറ്റിലൂടെ ടിനു യോഹന്നാൻ കേരളത്തിന്റെ ചരിത്രമായപ്പോൾ അഭിമാനിച്ചിട്ടുണ്ട്. പിന്നീട് ഏറെ നാളുകൾ വേണ്ടിവന്നു ശ്രീശാന്തിലൂടെ കേരള ക്രിക്കറ്റ് ചരിത്രം മാറ്റിയെഴുതിയത് ഒന്നറിയാൻ. കൊച്ചിൻ ടസ്കേർസ് ഉണ്ടായിരുന്ന സമയത്ത് റൈഫി വിൻസെന്റ് ഗോമസിലൂടെ പിന്നെയും കേരളം എന്ന കൊച്ച് ക്രിക്കറ്റ് ഭൂപടം ഒന്ന്‌ രണ്ട് മാച്ചിൽ കുളിരണിഞ്ഞു.. വന്യമായ കരീബിയൻ കരുത്തിലമർന്ന പ്രശാന്ത് പരമേശ്വരനിലൂടെ കണ്ണീരണിഞ്ഞ.
ദെൻ കെയിം ദി ബീസ്റ്റ്.. ദി ഒൺ ആൻഡ് ഒൺലി സഞ്ജു സാംസൺ.. ഇടക്ക് സച്ചിൻ ബേബി പ്രതീക്ഷകൾ തന്നു.. നിർഭാഗ്യവശാൽ ഒരൊറ്റ സീസണിലെ താരമായ ബേസിൽ തമ്പി. പിന്നെ KM ആസിഫ് മഹിയുടെ ടീമിലും ഇപ്പോൾ സഞ്ജുവിന് വേണ്ടിയും പന്തെറിയുന്നു. പക്ഷെ ഇന്നൊരു ഉദയം കണ്ടു.. തന്റെ പ്രതിഭ ആവോളം കേരള ടീമിന് വേണ്ടി കാഴ്ചവെച്ച, ഇടക്ക് പല തവണ ലേലത്തിൽ വിളിച്ചെടുക്കപ്പെട്ടിട്ടും ടീമിൽ പരാജയപ്പെട്ട,അവസരങ്ങൾ കിട്ടാത്ത ഒരാൾ. വിഷ്ണു വിനോദ്. എന്തൊരു രോമാഞ്ചം നിങ്ങളുടെ ഓരോ അടിയും കാണാൻ. ആ സിക്സറുകൾ എന്തൊരു അഴക്.
ടീം ഏതുമായിക്കോട്ടെ. ഞാൻ രാജസ്ഥാൻ നീ മുംബൈ അവൻ ചെന്നൈ മറ്റവൻ ബാംഗ്ലൂർ.. പക്ഷെ എൻഡ് ഓഫ് ദി ഡേയ്, നമ്മെളെല്ലാരും ഒരൊറ്റ കളർ ആണ്. ബ്ലീഡ് ബ്ലൂ. ദി ഇന്ത്യൻസ്, കുറച്ചൂടെ കൊളോക്കിയൽ ആയാൽ നമ്മൾ കേരളീയർ.. IPL ഏത് ടീമായാൽ എന്താ മലയാളി പൊളിയല്ലേ. ഓൻ നമ്മടെ ചെക്കൻ അല്ലേ. ആ 30 റൺസ്. ത്രില്ലടിപ്പിച്ച 30 റൺസ്. വിഷ്ണു വിനോദ്. യൂ ബ്യൂട്ടി.
എഴുത്ത്: അഭിരാം എ. ആർ
Read more
കടപ്പാട് : മലയാളി ക്രിക്കറ്റ് സോൺ
