സന്തോഷ് ട്രോഫിയില്‍ ഇന്ന് മേഘാലയക്കെതിരെ കളിക്കാനിറങ്ങുന്ന കേരളത്തിന് ഒരു ലക്ഷ്യമേ ഒള്ളു. ജയവും സെമി ഫൈനലിലേക്ക് ഒരു ടിക്കറ്റും. കഴിഞ്ഞ 2 മത്സരത്തിലെ പ്രകടനത്തിന്റെയും ആർത്തിരമ്പുന്ന ഗാലറിയുടെയും മുന്നിൽ കളിക്കുന്ന കേരളത്തിന് സമ്മർദ്ദം ഇല്ല. ഇപ്പോഴിതാ ഇന്നത്തെ മത്സരത്തിൽ ജയം ഉറപ്പാണെന്ന് ആത്മവിശ്വാസത്തോടെ പറയുകയാണ് കേരള ക്യാപ്റ്റൻ
” പ്രതിരോധമല്ല, ആക്രമണമാണ് കേരളത്തിന്റെ ശൈലി. ഗ്യാലറി തിങ്ങിനിറയ്‌ക്കുന്ന കാണികളുടെ പിന്തുണയ്ക്ക് നന്ദി. രണ്ട് കളി ജയിച്ചതിന്‍റെ ആത്മവിശ്വാസം താരങ്ങള്‍ക്കുണ്ട്. നല്ല പോരാട്ടവീര്യത്തോടെയാണ് കളിക്കുന്നത്.അതെ ആവേശത്തോടെ മേഘാലയക്കെതിരെയും ജയിക്കാനാകുമെന്നാണ് പ്രതീക്ഷ.”
Read more
മികച്ച വിജയം നേടിയെത്തുന്ന കേരളത്തെ വച്ച് നോക്കിയാൽ കൂരിയ പാസുകൾ ഇട്ട് മുന്നേറുന്ന രീതിയാണ് എതിരാളികളുടെ. ബഞ്ച് സ്ട്രെങ്ത് തന്നെയാണ് കേരളത്തിന്റ കരുത്ത്. കഴിഞ്ഞ മത്സരങ്ങളിലെ സബ്’കൊണ്ടുവന്ന വ്യത്യാസം കേരളത്തിന്റെ കരുത്തിന്റെ സൂചനയാണ്. മധ്യനിര പ്രതിഭകളാൽ സമ്പന്നം. പ്രതിരോധത്തിൽ ജി.സഞ്ജുവിന്റെ നേതൃത്വത്തിൽ സ്ഥിരതയാർന്ന പ്രകടനം. മുന്നേറ്റം കൂടി സെറ്റ് ആയാൽ കേരളത്തെ പിടിച്ചാൽ കിട്ടില്ല എന്നുറപ്പാണ്.
