ഈ വേനൽക്കാലത്ത് മാഞ്ചസ്റ്റർ യുണൈറ്റഡ് അവരുടെ റൈറ്റ് വിങ്ങർ ആൻ്റണിയെ വിൽക്കാൻ ശ്രമിക്കുന്ന സാഹചര്യത്തിൽ ബാഴ്‌സലോണ വിംഗർ റഫിഞ്ഞയെ സൈൻ ചെയ്യാനുള്ള മത്സരത്തിൽ യുണൈറ്റഡും ചേർന്നു. ആൻ്റണിയും ജാഡോൺ സാഞ്ചോയുമായി വേർപിരിയുന്നത് പരിഗണിക്കുന്നതിനാൽ റെഡ് ഡെവിൾസ് ഈ വേനൽക്കാലത്ത് ബാഴ്‌സലോണയിൽ നിന്ന് റഫിഞ്ഞയെ സൈൻ ചെയ്യാൻ നോക്കുന്നതായി റിപോർട്ടുകൾ പുറത്തു വരുന്നു. ഈ വേനൽക്കാലത്ത് തങ്ങൾ തിരഞ്ഞെടുത്ത കളിക്കാരെ രജിസ്റ്റർ ചെയ്യുന്നതിന് കാറ്റലൻ ഭീമന്മാർക്ക് വിൽപ്പന നടത്തേണ്ടതുണ്ട്. പ്രീമിയർ ലീഗ് ക്ലബ് 60 മില്യൺ യൂറോ (51 മില്യൺ/$65 മില്യൺ) വില സമ്മതിക്കുകയാണെങ്കിൽ, ബ്രസീലിയൻ താരത്തെ വിൽക്കുന്ന കാര്യം ബാഴ്‌സ പരിഗണിക്കും.
സൗദി പ്രോ ലീഗ് ഭീമൻമാരായ അൽ-നാസറിലേക്കുള്ള നീക്കവുമായി ഈയിടെ റഫിഞ്ഞ ബന്ധപ്പെട്ടിരിന്നു. എന്നിരുന്നാലും, ലാമിൻ യമാലിൻ്റെ മികച്ച സീസൺ ശേഷം ക്ലബ്ബിലെ കളി സമയം കുറച്ചിട്ടും ഈ വേനൽക്കാലത്ത് ക്യാമ്പ് നൗ വിടാൻ തനിക്ക് പദ്ധതിയില്ലെന്ന് മുൻ ലീഡ്സ് വിംഗർ കൂടിയായ റഫിഞ്ഞ അവകാശപ്പെട്ടു. യുണൈറ്റഡ് ക്യാമ്പിൽ, ആൻ്റണിയിലും ക്രിസ്റ്റ്യാനോ റൊണാൾഡോയുടെ ക്ലബിൻ്റെ താൽപ്പര്യം ഉണ്ടായിരുന്നതായി റിപോർട്ടുകൾ ഉണ്ട്. അതേസമയം ലീഗ് 1 ചാമ്പ്യന്മാരായ പാരിസ് സെൻ്റ് ജർമ്മൻ സാഞ്ചോയിൽ താൽപ്പര്യം പ്രകടിപ്പിച്ചു.
ആഗസ്റ്റ് 30-ന് ട്രാൻസ്ഫർ വിൻഡോ അടയ്ക്കുന്നതിന് മുമ്പ്, അത്‌ലറ്റിക് ക്ലബ്ബിൻ്റെ നിക്കോ വില്യംസ്, ബയേൺ മ്യൂണിക്ക് വിംഗർ കിംഗ്സ്ലി കോമാൻ എന്നിവരിൽ ശ്രദ്ധയുള്ളതിനാൽ കൂടുതൽ കളിക്കാരെ ചേർക്കാൻ ബാഴ്‌സലോണ ശ്രമിക്കുകയാണ്. ബാഴ്‌സലോണയുടെ ചില താരങ്ങളെ എങ്കിലും വിറ്റാൽ മാത്രമേ പുതിയ സൈനിംഗുകൾ സാധ്യമാകൂ. അതുകൊണ്ട് തന്നെ ക്ലബ്ബ് ചില മാർക്വീ വിൽപ്പന നടത്താൻ ശ്രമിക്കുന്നുണ്ട്. ഇത് റഫിഞ്ഞയെ ഇറക്കുമെന്ന പ്രതീക്ഷ യുണൈറ്റഡിന് നൽകുന്നു.
Read more
എറിക് ടെൻ ഹാഗിൻ്റെ ടീം വെള്ളിയാഴ്ച ഫുൾഹാമിനെ നേരിടുമ്പോൾ അവരുടെ 2024-25 പ്രീമിയർ ലീഗ് കാമ്പെയ്ൻ ആരംഭിക്കും, അതേസമയം ഹാൻസി ഫ്ലിക്കിൻ്റെ ആളുകൾ ഒരു ദിവസത്തിന് ശേഷം അവരുടെ ലാ ലിഗ ഓപ്പണറിൽ വലൻസിയയെ ഏറ്റുമുട്ടും. പുതിയ സീസണിലെ ബാഴ്‌സയുടെ ആദ്യ മത്സരത്തിൽ റഫിഞ്ഞ ഇറങ്ങുമോ എന്ന് കണ്ടറിയണം.
