സന്തോഷ് ട്രോഫി ഫുട്ബോള്‍ ദക്ഷിണമേഖല യോഗ്യതാ മത്സരത്തില്‍ കേരളത്തിന് വമ്പന്‍ വിജയം. ആന്ഡമാന് നിക്കോബാറിനെ എതിരില്ലാത്ത ഒമ്പത് ഗോളുകള്‍ക്ക് കേരളം തകര്‍ത്തുവിട്ടത്. ജയത്തോടെ കേരളം പോയിന്റ് പട്ടികയില്‍ ഒന്നാമതെത്തി.
ആന്ഡമാന് കേരളത്തിന് മേല്‍ ഒരു ഘട്ടത്തില്‍ പോലും സമ്മര്‍ദ്ദം ചെലുത്താനായില്ല. കേരളത്തിനു വേണ്ടി മൂന്നു താരങ്ങള്‍ ഇരട്ടഗോളുകള്‍ വീതം നേടി. ഗില്‍ബേര്‍ട്ട് (39, 81), ജെസിന്‍ (45+1, 45+2), സഫ്നാദ് (80, 90+2) എന്നിവരാണ് ഇരട്ടഗോളുകളുമായി കസറിയത്. തോമസ് (64), അര്‍ജുന്‍ ജയരാജ് (70), സല്‍മാന്‍ (85) എന്നിവരാണ് കേരളത്തിന്റെ മറ്റു സ്‌കോറര്‍മാര്‍.
Read more
ആദ്യ മത്സരത്തില്‍ കേരളം എതിരില്ലാത്ത അഞ്ചുഗോളുകള്‍ക്ക് ലക്ഷദ്വീപിനെ തകര്‍ത്തിരുന്നു. അടുത്ത മത്സരത്തില്‍ പോണ്ടിച്ചേരിയാണ് കേരളത്തിന്റെ എതിരാളി.
