റോയ് കൃഷ്ണയുടെ ഗോളിലൂടെയുള്ള തിരിച്ചുവരവിന് ശ്രമിച്ചെങ്കിലും ശക്തമായ പ്രതിരോധം ഉയര്‍ത്തി ഹൈദരാബാദ് എഫ്‌സി മുന്നേറ്റങ്ങള്‍ തടഞ്ഞതോടെ എടികെ മോഹന്‍ബഗാനെ മറികടന്ന് ഐഎസ്എല്‍ കലാശപ്പോരില്‍ കളിക്കാനുള്ള അവസരം ഹൈദരാബാദ് എഫ്‌സി നേടി. ഇതാദ്യമായിട്ടാണ് ഹൈദരാബാദ് എഫ്‌സി ഫൈനലില്‍ എത്തുന്നത്. നിര്‍ണ്ണായകമായ രണ്ടാംപാദ മത്സരത്തില്‍ 1-0 ന് ജയിച്ചിട്ടും എടികെയെ ആദ്യപാദത്തിലെ പരാജയം പുറത്തേക്ക് പറഞ്ഞയച്ചു.
കളിയുടെ രണ്ടാം പകുതിയില്‍ 79 ാം മിനിറ്റില്‍ റോയ് കൃഷ്ണയായിരുന്നു എടികെയ്ക്കായി ഗോള്‍ നേടിയത്. ആദ്യപാദ സെമിയില്‍ 3-1 ന് പരാജയപ്പെട്ടതിന്റെ ഭാരവുമായി എത്തിയ കൊല്‍ക്കത്തയെ അതില്‍ കൂടുതല്‍ ഗോള്‍ നേടാന്‍ ഹൈദരാബാദ് പ്രതിരോധം അനുവദിച്ചില്ല. കൊല്‍ക്കത്തയുടെ സമ്മര്‍ദ്ദം മികച്ച രീതയില്‍ ഹൈദരാബാദ് തടഞ്ഞിട്ടതോടെ 3-2 എന്ന അഗ്രിഗേറ്റ് സ്‌കോറിലായിരുന്നു ഹൈദരാബാദ് ആദ്യമായി ഫൈനലിന് യോഗ്യത നേടിയത്.
Read more
ഫറ്റോര്‍ദയില്‍ ഈ മാസം 20 ന് നടക്കുന്ന ഫൈനലില്‍ രണ്ടു മഞ്ഞക്കിളികള്‍ ഏറ്റുമുട്ടും. നേരത്തേ കേരളാബ്‌ളാസ്‌റ്റേഴ്‌സ് ഐഎസ്എല്‍ ഷീല്‍ഡ് ജേതാക്കളായ ജംഷെഡ്പൂരിനെ തോല്‍പ്പിച്ച് ഫൈനലില്‍ എത്തിയിരുന്നു. മൂന്നാം തവണയാണ് കേരളാബ്‌ളാസ്‌റ്റേഴ്‌സ് ഐഎസ്എല്ലില്‍ ഫൈനല്‍ മത്സരത്തിനിറങ്ങുന്നത്.
