പെപ്പെ ജീന്‍സ് കേരള ഗാര്മെന്റ്സ് പ്രീമിയര്‍ ലീഗിന്റെ ഔദ്യോഗിക ലോഗോ പ്രകാശനം ചെയ്തു. ഗാര്മെന്റ്സ് ക്രിക്കറ്റ് അസോസിയേഷന്‍ ട്രസ്റ്റ് പ്രസിഡന്റ് വി.എം.എച്ച്. അഹമ്മദുള്ളയും സെക്രട്ടറി സാബി ജോണും ചേര്‍ന്ന് പെപ്പെ ജീന്‍സ് ഇന്ത്യയുടെ എംഡി മനീഷ് കപൂറിന് കൈമാറി ലോഗോ പ്രകാശനം നിര്‍വ്വഹിച്ചു. പെപ്പെ ജീന്‍സ് എവിപി ആശിഷ് ആവല്‍, ആര്‍എസ്എം ബാലസുബ്രഹ്‌മണ്യം, ന്യൂ ജൂബിലി സിഇഒ ഉണ്ണികൃഷ്ണന്‍, ജോയിന്റ സെക്രട്ടറി ജിനോയ് വര്‍ഗീസ് എന്നിവര്‍ ചടങ്ങില്‍ പങ്കെടുത്തു. മുംബൈയിലെ പെപ്പെ ജീന്‍സ് ഇന്ത്യയുടെ ഹെഡ് ഓഫീസില്‍ വച്ചായിരുന്നു ലോഗോ പ്രകാശനം.
ഗാര്‍മെന്റ് ക്രിക്കറ്റ് അസ്റ്റോസിയേഷന്‍ ട്രസ്റ്റ് കൊച്ചി ത്രിപ്പൂണിത്തുറ ആസ്ഥാനമാക്കി സംസ്ഥാനത്തുടനീളം പ്രവര്‍ത്തിക്കുന്ന ഒരു ചാരിറ്റബിള്‍ സൊസൈറ്റി ആണ്. ടെക്‌സ്‌റ്റൈല്‍, ഗാര്മെന്റ്സ് മേഖലകളില്‍ പ്രവര്‍ത്തിക്കുന്ന ആളുകളുടെ മാനസ്സികവും, ശാരീരികവും തൊഴില്‍പരവുമായ ഉന്നമനത്തിനു വേണ്ടിയുളള പരിപാടികള്‍ സംഘടിപ്പിച് നടപ്പിലാക്കുക എന്നതാണ് ഈ ട്രസ്റ്റിന്റെ പ്രധാനലക്ഷ്യം.
ഇതിനെ മുന്‍നിര്‍ത്തി എല്ലാവര്‍ഷവും വളരെ വിപുലമായ രീതിയില്‍ മികച്ച ഒരു ക്രിക്കറ്റ് ടൂര്‍ണമെന്റ് സംഘടിപ്പിച്ചു വരുന്നു. ടെക്സ്റ്റല്‍ മേഖലയില്‍ പ്രവര്‍ത്തിക്കുന്ന ടീലേഴ്‌സ്, ഡിസ്ട്രിബൂട്ടേഴ്‌സ്, എക്‌സിക്യൂട്ടീവ്‌സ് എന്നിവരാണ് വിവിധ ടീമുകളിലായി കളിക്കുന്നത്.
Read more
