‘അനിമല്‍’ ചിത്രത്തില്‍ നായകന്‍ രണ്‍ബിര്‍ കപൂറിനൊപ്പം തന്നെ ശ്രദ്ധ നേടിയ കഥാപാത്രമാണ് ബോബി ഡിയോള്‍ അവതരിപ്പിച്ച വില്ലന്‍ വേഷവും. സിനിമയില്‍ ഒരു ഡയലോഗ് പോലും പറയാതെ തന്റെ ആക്ഷനിലൂടെ താരം വിസ്മയിപ്പിക്കുന്നുണ്ട്. ചിത്രത്തിനായി താന്‍ ഒരു മാസത്തോളം ആംഗ്യ ഭാഷ പഠിച്ചു എന്നാണ് ബോബി ഡിയോള്‍ ഇപ്പോള്‍ പറയുന്നത്.
”ചിത്രത്തില്‍ തനിക്ക് ഡയലോഗുകളില്ലെന്ന് സംവിധായകന്‍ സന്ദീപ് റെഡ്ഡി വംഗ പറഞ്ഞപ്പോള്‍ ആദ്യം ഞെട്ടിപ്പോയിരുന്നു എന്നാണ് ബോബി ഡിയോള്‍ പറയുന്നത്. സെറ്റില്‍ ഞാന്‍ നന്നായി സംസാരിക്കുന്നുണ്ടെന്ന് പറഞ്ഞ സംവിധായകന്‍ എന്നെ സിനിമയില്‍ മിണ്ടാന്‍ അനുവദിച്ചില്ല.”
”കഥാപാത്രത്തെ എങ്ങനെ സമീപിക്കണമെന്ന് എനിക്ക് അറിയില്ലായിരുന്നു. ബുദ്ധിമുട്ടിയെങ്കിലും കൂടുതല്‍ ആവേശം തോന്നി. ഒരു മാസത്തോളം ഞാന്‍ ആംഗ്യ ഭാഷ പഠിച്ചു. അത് ഒരുപാട് പ്രയോജനപ്പെട്ടു” എന്നാണ് ബോബി ഡിയോള്‍ ഒരു അഭിമുഖത്തില്‍ പറയുന്നത്.
അതേസമയം, ഡിസംബര്‍ ഒന്നിന് തിയേറ്ററുകളില്‍ എത്തിയ ചിത്രം മൂന്ന് ദിവസം കൊണ്ട് തന്നെ 360 കോടി രൂപ നേടി ബോക്‌സ് ഓഫീസില്‍ കുതിക്കുകയാണ്. രണ്‍ബിര്‍ കപൂറിന്റെ കരിയറിലെ ഏറ്റവും കൂടുതല്‍ കളക്ഷന്‍ നേടുന്ന ചിത്രമായിരിക്കുകയാണ് അനിമല്‍.
Read more
ചിത്രത്തിലെ ഇന്റിമേറ്റ് സീനുകളും രണ്‍ബിര്‍ പൂര്‍ണനഗ്നനായി അഭിനയിച്ച സീനുകളും സോഷ്യല്‍ മീഡിയയില്‍ പ്രചരിക്കുന്നുണ്ട്. 3 മണിക്കൂര്‍ 21 മിനിറ്റാണ് ചിത്രത്തിന്റെ ദൈര്‍ഘ്യം. എ സര്‍ട്ടിഫിക്കറ്റ് ആണ് സെന്‍സര്‍ ബോര്‍ഡ് ചിത്രത്തിന് നല്‍കിയിരിക്കുന്നത്.
