മുഖ്യമന്ത്രി പിണറായി വിജയനെ അഭിനന്ദിച്ചു കൊണ്ടുള്ള പോസ്റ്റിലെ സ്‌പെല്ലിംഗ് മിസ്റ്റേക്ക് മനഃപൂര്‍വ്വം ആണെന്ന് നടന്‍ സിദ്ധാര്‍ഥ്. “”പിണറായ വിജയന്‍”” എന്നാണ് ഇലക്ഷന്‍ റിസല്‍ട്ട്‌സ് 2021 എന്ന ഹാഷ്ടാഗോടെ സിദ്ധാര്‍ഥ് ട്വീറ്റ് ചെയ്തത്. പിന്നാലെ സ്‌പെല്ലിംഗ് മിസ്റ്റേക്ക് എന്ന മറുപടിയുമായി പ്രേക്ഷകരും രംഗത്തെത്തി.
ഇതിന് താരം മറുപടിയും നല്‍കി. “”എനിക്ക് സ്‌പെല്‍ ചെയ്യാന്‍ അറിയാം മക്കളെ പിണറായി വിജയനെ പുകഴ്ത്തിയതാണ്. പറയാതെ വയ്യ കേരളം പൊളിച്ചു”” എന്നാണ് സിദ്ധാര്‍ഥിന്റെ മറുപടി. ഇടതുപക്ഷത്തിന്റെ ചരിത്ര വിജയത്തില്‍ നിരവധി പേരാണ് ആശംസകള്‍ അറിയിച്ച് രംഗത്തെത്തിയത്.
I know how to spell Makkale. Just praising #PinarayiVijayan
BTW, Adichu Polichu Keralam. ❤️
— Siddharth (@Actor_Siddharth) May 2, 2021
കേരളത്തിന്റെ രാഷ്ട്രീയ ചരിത്രം മാറ്റി മറിച്ചാണ് പിണറായി വീണ്ടും മുഖ്യമന്ത്രി സ്ഥാനത്തേക്ക് വരുന്നത്. ആദ്യമായാണ് ഒരു മുഖ്യമന്ത്രി അഞ്ചു വര്‍ഷത്തെ കാലാവധി തികച്ച് പിന്നെയും വിജയം നേടുന്നത്. 99 സീറ്റ് നേടിയാണ് എല്‍.ഡി.എഫ് ചരിത്രം കുറിച്ചത്.
Read more
ഇടത് മുന്നണിക്ക് ഭരണ തുടര്‍ച്ചയുണ്ടാവുന്നതും ചരിത്രത്തില്‍ ഇതാദ്യമാണ്. അതേസമയം, എന്‍ഡിഎക്ക് കേരളത്തില്‍ അക്കൗണ്ട് തുറക്കാനായില്ല.
