രഞ്ജിത്തിന്റെ തിരക്കഥയില്‍ ഷാജി കൈലാസ് സംവിധാനം ചെയ്ത് മോഹൽലാൽ തകർത്തഭിയിച്ച ചിത്രമായിരുന്നു നരംസിംഹം. പൂവള്ളി ഇന്ദുചൂഡനായി എത്തിയ മോഹന്‍ലാലിനെ ഇരുകെെയ്യും നീട്ടിയാണ് ആരാധകർ ഏറ്റെടുത്തത്. . ചിത്രത്തിന്റെ ഇന്‍ട്രോ സീനിൽ ഭാരതപ്പുഴയില്‍ നിന്നും പൊങ്ങിവരുന്ന ഇന്ദുചൂഡന്‍ അക്കാലത്ത് തിയേറ്ററുകളെ ഹരം കൊള്ളിച്ചിരുന്നു. ഈ രംഗം ഷൂട്ട് ചെയ്യാനായി നേരിട്ട വെല്ലുവിളികളെ കുറിച്ച് പറയുകയാണ് സംവിധായകന്‍ ഷാജി കൈലാസ്.
ക്ലബ്ബ് എഫ്.എമ്മിന് നല്‍കിയ അഭിമുഖത്തിലാണ് നരസിംഹത്തിലെ വിശേഷങ്ങള്‍ അദ്ദേഹം പങ്കുവെച്ചത്. മോഹന്‍ലാലിന്റെ ഇന്‍ട്രോ സീന്‍ ഭാരതപ്പുഴയിലാണ് ഷൂട്ട് ചെയ്യാന്‍ തീരുമാനിച്ചിരുന്നത്. ലാല്‍ വരുന്നതിന് മുമ്പ് പൊസിഷനൊക്കെ ഒരാളെ വെച്ച് ചെക്ക് ചെയ്യണം. ചുമ്മാ പൊസിഷന്‍ പറയാന്‍ പറ്റില്ലല്ലോ. അതിനായി വെള്ളത്തിലിറങ്ങി ഒന്ന് മുതല്‍ എട്ട് വരെ എണ്ണികഴിയുമ്പോളേ പൊങ്ങാവുള്ളൂ എന്ന് പറഞ്ഞ് ഒരാളെ ഇറക്കി.
പുള്ളി മുങ്ങി കഴിഞ്ഞ് നമ്മള്‍ എണ്ണുകയാണ്. 20 വരെ എണ്ണിയിട്ടും മുങ്ങിയാൾ പൊങ്ങിയില്ല. ദൈവമേ.. പണി കിട്ടിയോ എന്ന് സംശയിച്ച് ആള് ചാടിക്കോളാന്‍ താന്‍ പറഞ്ഞെന്ന് ഷാജി കെെലാസ് പറഞ്ഞു. രക്ഷിക്കാന്‍ ആള് ചാടിയപ്പോള്‍ ദൂരെ നിന്നും സാര്‍ എന്നൊരു വിളി വന്നു. താന്‍ നോക്കുമ്പോള്‍ രണ്ട് കിലോമീറ്റര്‍ അപ്പുറത്ത് നിന്നും ആള് കൈ പൊക്കി കാണിക്കുകയാണ്.
Read more
അടിയൊഴുക്ക് ആളെ അങ്ങ് കൊണ്ടുപോയി.ആ സ്ഥലത്ത് ലാലിനെ വെച്ച് എങ്ങനെ ഷൂട്ട് ചെയ്യും. എനിക്കറിയില്ല. പിന്നെ ഒരു കുളത്തില്‍ വെച്ചാണ് മോഹന്‍ലാലിന്റെ ഇന്‍ട്രോ ഷൂട്ട് ചെയ്തതെന്നും ഷാജി കൈലാസ് കൂട്ടിച്ചേർത്തു. ചിത്രത്തിൽ മോഹലാലിനോപ്പം മമ്മൂട്ടിയുടെ ഗസ്റ്റ് റോളും ഏറെ ശ്രദ്ധിക്കപ്പെട്ടിരുന്നു ഏറെ ശ്രദ്ധിക്കപ്പെട്ടിരുന്ന ഒന്നായിരുന്നു.
