സിനിമ പൂര്‍ണ്ണമായും കണ്ട് അഭിപ്രായം പറയുന്നതില്‍ യാതൊരു തെറ്റുമില്ലെന്ന് നടന്‍ സൗബിന്‍ ഷാഹിര്‍. പക്ഷേ ഫസ്റ്റ് ഹാഫ് കണ്ടുള്ള അഭിപ്രായ പ്രകടനങ്ങളോട് തനിക്ക് യാതൊരു താല്പര്യവുമില്ലെന്നും നടന്‍ വ്യക്തമാക്കി. സിനിമ ചെയ്യുമ്പോള്‍ ഏറ്റവും പ്രാധാന്യം നല്‍കേണ്ടത് പ്രേക്ഷകനാണ്. ആളുകള്‍ തങ്ങളുടെ പണവും സമയവും ചെലവഴിച്ചാണ് തിയേറ്ററില്‍ എത്തുന്നത്. പ്രേക്ഷകര്‍ക്ക് ആസ്വദിക്കാന്‍ സാധിക്കുന്നതാകണം സിനിമ കൗമുദി മൂവീസിന് നല്‍കിയ അഭിമുഖത്തില്‍ നടന്‍ പറഞ്ഞു.
Also read
സിനിമക്ക് വേണ്ടി ഞാന്‍ ഒരു കഥ കേള്‍ക്കുമ്പോള്‍, അല്ലെങ്കില്‍ ഒരു കഥ ആലോചിക്കുമ്പോള്‍ കൂടുതലും ചിന്തിക്കുന്നത് പ്രേക്ഷകരെ കുറിച്ചാണ്. ആ കഥയുടെ അപ്പുറത്തേക്ക് ആളുകള്‍ അതിനെ എങ്ങനെ ഉള്‍ക്കൊള്ളുന്നു എന്നാണ് ഞാന്‍ ശ്രദ്ധിക്കുക. പ്രേക്ഷകര്‍ക്ക് ആസ്വദിക്കാന്‍ പറ്റുന്ന രീതിയിലായിരിക്കണം സിനിമ ചെയ്യേണ്ടത്.
അതുകൊണ്ട് തന്നെ ഞാനൊക്കെ സിനിമ ചെയ്യുമ്പോള്‍ പ്രേക്ഷകരെ കുറിച്ചാണ് ആദ്യം ചിന്തിക്കുന്നത്. എല്ലാവരും അങ്ങനെയൊക്കെ തന്നെയായിരിക്കും. കാരണം പ്രേക്ഷകര്‍ അവരുടെ സമയം കണ്ടെത്തി പണമൊക്കെ ചെലവാക്കിയല്ലെ സിനിമക്ക് വരുന്നത്.
Read more
ആദ്യ ദിവസം ആദ്യത്തെ ഷോ കാണാന്‍ അവര്‍ വരണമെങ്കില്‍ എത്രയോ നേരത്തെ അതിനുവേണ്ടി തയാറായിട്ടുണ്ടാവണം. സൗബിന്‍ പറഞ്ഞു.
