കുഞ്ചാക്കോ ബോബനെ നായകനാക്കി രതീഷ് ബാലകൃഷ്ണ പൊതുവാള്‍ ഒരുക്കിയ ന്നാ താന്‍ കേസ് കൊട് കേരളത്തില്‍ വിജയകരമായി പ്രദര്‍ശനം തുടരുകയാണ്. ചിത്രം റിലീസ് ചെയ്തതിനു പിന്നാലെ പുറത്ത് വന്ന പോസ്റ്റര്‍ കേരളത്തില്‍ വലിയ വിവാദങ്ങള്‍ സൃഷ്ടിച്ചിരുന്നു. ‘തിയേറ്ററുകളിലേക്കുള്ള വഴിയില്‍ കുഴിയുണ്ട്, എന്നാലും വന്നേക്കണേ,’ എന്നായിരുന്നു.
ഇപ്പോഴിതാ വിവാദ പോസ്റ്ററിന് പിന്നാലെ ചിത്രത്തിന്റെ അടുത്ത പോസ്റ്ററും പ്രേക്ഷക ശ്രദ്ധ നേടുകയാണ്. സിനിമയുടെ യു.കെ, അയര്‍ലന്‍ഡ് തീയേറ്റര്‍ ലിസ്റ്റ് പോസ്റ്ററിലാണ് ‘തിയേറ്ററിലേക്കുള്ള വഴിയില്‍ കുഴിയില്ല എന്നാലും വന്നേക്കണേ’ എന്ന ക്യാപ്ഷന്‍ ഉള്‍കൊള്ളിച്ചിരിക്കുന്നത്.
ഓഗസ്റ്റ് 19മുതലാണ് ചിത്രം യു.കെയിലും അയര്‍ലന്‍ഡിലും റിലീസ് ചെയ്യുന്നത്.
എന്തായാലും പുതിയ പോസ്റ്റര്‍ പുറത്തുവന്നതിന് പിന്നാലെ സോഷ്യല്‍ മീഡിയയില്‍ വീണ്ടും ചിത്രത്തെ കുറിച്ചുള്ള ചര്‍ച്ചകള്‍ സജീവമായിരിക്കുകയാണ്.
Read more
കഴിഞ്ഞ ദിവസം പുറത്തുവന്ന ചിത്രത്തിന്റെ 25 കോടി പോസ്റ്ററും സോഷ്യല്‍ മീഡിയയില്‍ ചര്‍ച്ചയായിരുന്നു.
