വടംവലിയുടെ ആവേശവുമായെത്തുന്ന “ആഹാ” എന്ന ഇന്ദ്രജിത്ത് ചിത്രത്തിന്റെ ഫസ്റ്റ്‌ലുക്ക് റിലീസ് ചെയ്തു. മോഹന്‍ലാലാണ് തന്റെ ഫെയ്‌സ്ബുക്ക് പേജിലൂടെ പോസ്റ്റര്‍ പങ്കുവെച്ചത്. 2008-ലെ വടംവലി സീസണില്‍ എഴുപത്തിമൂന്ന് മത്സരങ്ങളില്‍ എഴുപത്തിരണ്ടിലും ചാമ്പ്യന്‍പട്ടം കരസ്ഥമാക്കിയ “ആഹാ നീലൂര്‍” എന്ന ടീമിനോടുള്ള ബഹുമാനസൂചകമായാണ് ചിത്രത്തിന് ആഹാ എന്ന് പേര് നല്‍കിയത്.
സാ സാ പ്രൊഡക്ഷന്‍സിന്റെ ബാനറില്‍ പ്രേം അബ്രഹാം നിര്‍മിച്ച് എഡിറ്റര്‍കൂടിയായ ബിബിന്‍ പോള്‍ സാമുവേല്‍ ചിത്രം സംവിധാനംചെയ്യുന്നു.പുതിയ മേക്ക് ഓവറിലാണ് ഇന്ദ്രജിത്ത് എത്തുന്നത്.
ടോബിട് തിരക്കഥയെഴുതുന്ന “ആഹാ”യുടെ ഛായാഗ്രഹണം നിര്‍വഹിക്കുന്നത് പോളിഷ് സിനിമാട്ടോഗ്രാഫര്‍ ആര്‍തര്‍ സ്വാര്‍സ്‌കിയുടെ അസോസിയേറ്റായ രാഹുല്‍ ബാലചന്ദ്രനാണ്. ഗായിക സയനോരാ ഫിലിപ്പാണ് സംഗീതസംവിധാനം. പി.ആര്‍.ഒ. സി.കെ. അജയ് കുമാര്‍.
Read more
