നടന്‍ ചിമ്പു അണുബാധയെ തുടര്‍ന്ന് ആശുപത്രിയില്‍. താരത്തെ ശനിയാഴ്ചയാണ് ചെന്നൈയിലെ സ്വകാര്യ ആശുപത്രിയില്‍ പ്രവേശിപ്പിച്ചത്. എന്നാല്‍ കോവിഡ് പരിശോധന ഫലം നെഗറ്റീവാണെന്ന് അധികൃതര്‍ അറിയിച്ചു.
കഴിഞ്ഞ കുറച്ചു ദിവസങ്ങളായി ഗൗതം മേനോന്റെ ‘വെന്തു തനിന്തത് കാട്’ എന്ന ചിത്രത്തിന്റെ ഷൂട്ടിംഗ് തിരക്കിലായിരുന്നു ചിമ്പു. പനിയും തൊണ്ടവേദനയും അനുഭവപ്പെട്ടതിനെ തുടര്‍ന്നാണ് താരത്തെ ആശുപത്രിയില്‍ പ്രവേശിപ്പിച്ചത് എന്നാണ് റിപ്പോര്‍ട്ടുകള്‍.
നിരവധി ആരാധകര്‍ സോഷ്യല്‍ മീഡിയയിലൂടെ രോഗമുക്തി ആശംസിച്ചു. അതേസമയം, വിണ്ണൈ താണ്ടി വരുവായ, അച്ചം യെന്‍പത് മടമൈയെട എന്നീ ചിത്രങ്ങള്‍ക്ക് ശേഷം ചിമ്പുവും ഗൗതം മേനോനും ഒന്നിക്കുന്ന ചിത്രമാണ് വെന്തു തനിന്തത് കാട്.
Read more
വെന്തു തനിന്തത് കാട് ചിത്രത്തിന്റെ ടീസര്‍ വെള്ളിയാഴ്ച പുറത്തു വന്നിരുന്നു. വെങ്കട് പ്രഭു സംവിധാനം ചെയ്ത മാനാട് ആണ് ചിമ്പുവിന്റേതായി ഒടുവില്‍ തിയേറ്ററുകളില്‍ എത്തിയത്.
