വിമാനാത്താവളത്തില്‍ നിന്നും തനിക്ക് ലഗേജ് ലഭിക്കാന്‍ രണ്ട് ദിവസത്തോളം എടുത്തെന്ന് നടി അദിതി റാവു ഹൈദരി. തന്റെ ഇന്‍സ്റ്റഗ്രാം പേജിലൂടെയാണ് അദിതി പ്രതികരിച്ചത്. ഹീത്രു വിമാനത്താവളത്തില്‍ നിന്നും തനിക്ക് സഹായം ലഭിച്ചില്ലെന്നും ബ്രിട്ടീഷ് എയര്‍വേയ്‌സ് ജീവനക്കാരാണ് തന്നെ സഹായിച്ചതെന്നും അദിതി പറഞ്ഞു.
ഇന്‍സ്റ്റഗ്രാമിലെ പോസ്റ്റില്‍ ലഗേജ് കിട്ടാന്‍ സഹായിച്ചതിന് ബ്രിട്ടീഷ് എയര്‍വേയ്‌സ് ജീവനക്കാരോട് അദിതി നന്ദി പറയുകയും ചെയ്തിട്ടുണ്ട്. ഉടന്‍ തന്നെ സഹായിച്ച ബ്രിട്ടീഷ് എയര്‍വേയ്‌സ് ജീവനക്കാരെ നേരില്‍ കാണുമെന്നും അവര്‍ പറഞ്ഞു. ലഗേജ് ലഭിച്ചില്ലെന്ന് കാണിച്ച് അദിതി കഴിഞ്ഞ ദിവസം ഇന്‍സ്റ്റഗ്രാമില്‍ പോസ്റ്റിട്ടിരുന്നു.
തനിക്ക് ലഗേജ് ലഭിക്കാത്തതുമായി ബന്ധപ്പെട്ട് ശൂന്യമായ ബെല്‍റ്റിന്റെ ചിത്രം പോസ്റ്റ് ചെയ്തായിരുന്നു അദിതിയുടെ പ്രതികരണം. രണ്ട് മണിക്കൂര്‍ വിമാനത്താവളത്തില്‍ കാത്തുനിന്നിട്ടും തനിക്ക് ലഗേജ് ലഭിച്ചില്ലെന്ന് അദിതി ആരോപിച്ചിരുന്നു.
അദിതിയുടെ ഇന്‍സ്റ്റഗ്രാം സ്റ്റോറിക്ക് പിന്നാലെ ഹീത്രു വിമാനത്താവള അധികൃതര്‍ മറുപടിയുമായി എത്തിയിരുന്നു. ബുദ്ധിമുട്ടില്‍ ക്ഷമ ചോദിച്ച വിമാനത്താവള അധികൃതര്‍ ലഗേജിനായി വിമാനകമ്പനിയെ സമീപിക്കാനാണ് അദിതിയോട് പറഞ്ഞത്. തുടര്‍ന്ന് അവര്‍ ബ്രിട്ടീഷ് എയര്‍വേയ്‌സിനെ സമീപിക്കുകയും വിമാനകമ്പനി പ്രശ്‌നത്തില്‍ ഇടപെടുകയുമായിരുന്നു.
അതേസമയം, ‘ഹീരാമണ്ഡി’ എന്ന വെബ് സീരിസിന് ശേഷം ‘ഗാന്ധി ടോക്‌സ്’, ‘ലോണ്‍ലിനെസ്’ എന്ന സിനിമകളാണ് അദിതിയുടെതായി അണിയറയില്‍ ഒരുങ്ങി കൊണ്ടിരിക്കുന്നത്. ഹീരാമണ്ഡിയിലെ ബിബ്ബോജാന്‍ എന്ന കഥാപാത്രം താരത്തിന് ഏറെ സ്വീകാര്യത നല്‍കിയിരുന്നു.
Read more
