മഗിഴ് തിരുമേനി സംവിധാനം ചെയ്ത് തെന്നിന്ത്യൻ സൂപ്പർ താരം അജിത്ത് നായകനായെത്തുന്ന ‘വിടാമുയർച്ചി’യുടെ അസെര്‍ബെയ്‍ജാനിലെ ചിത്രീകരണത്തിനിടെ സിനിമയുടെ ആർട്ട് ഡയറക്ടറായ മിലൻ ഫെർണാണ്ടസ് മരിച്ചു. ലൊക്കേഷനിൽ വെച്ചുണ്ടായ ഹൃദയാഘാതമാണ് മരണകാരണം.
അജിത്തിന്റെ മുൻ ചിത്രങ്ങളായ ബില്ല, വേതാളം, വിജയ് നായകനായ വേലായുധം തുടങ്ങീ ഒരുപാട് സിനിമകളിൽ കലാ സംവിധായകനായി പ്രവർത്തിച്ചിട്ടുണ്ട് മിലൻ. അസെര്‍ബെയ്‍ജാനിൽ നിന്നും എപ്പോഴാണ് മൃത ദേഹം നാട്ടിലേക്ക് എത്തിക്കുന്നത് എന്നതിൽ സ്ഥിതീകരണമായിട്ടില്ല.
ഇസ്രയേൽ- ഗാസ യുദ്ധത്തെ തുടർന്ന് പശ്ചിമേഷ്യൻ രാജ്യങ്ങളിലും ചില യൂറോപ്യൻ രാജ്യങ്ങളിലും അവസ്ഥകൾ മോശമാകുന്ന സാഹചര്യം വരുമെന്ന് കണക്കിലെടുത്ത് വിടാമുയർച്ചിയുടെ ചിത്രീകരണത്തിനുള്ള അനുമതി കഴിഞ്ഞ ദിവസങ്ങളിൽ സർക്കാർ വൃത്തങ്ങൾ നിഷേധിച്ചിരുന്നു. അതിന് ശേഷം ചിത്രീകരണം വീണ്ടും പുനരാരംഭിച്ചതിനിടെയാണ് ഇപ്പോൾ ഇങ്ങനെയൊരു സംഭവം.
Read more
ലൈക്ക പ്രൊഡക്ഷൻസിന്റെ ബാനറിൽ സുഭാസ്ക്കരനാണ് വിടാമുയർച്ചി നിർമ്മിക്കുന്നത്. തൃഷയാണ് ചിത്രത്തിൽ അജിത്തിന്റെ നായികയായി എത്തുന്നത്. വിഘ്നേശ് ശിവനയായിരുന്നു ആദ്യ ഘട്ടത്തിൽ ചിത്രം സംവിധാനം ചെയ്യനായിരുന്നത്. അനിരുദ്ധ് രവിചന്ദർ ആണ് ചിത്രത്തിന് സംഗീതമൊരുക്കുന്നത്.
