ഏഷ്യാനെറ്റിലെ ബിഗ് ബോസ് സീസണ്‍ അഞ്ചിലെ മികച്ചൊരു മത്സരാര്‍ത്ഥിയായിരുന്നു ഐശ്വര്യ സുരേഷ് എന്ന ലച്ചു. എന്നാല്‍, ആരോഗ്യപരമായ കാരണം കൊണ്ട് ബിഗ് ബോസ് വീടുവിട്ട് ഇറങ്ങേണ്ടിവന്നു. ഒരാഴ്ച്ച മുമ്പാണ് ലച്ചു ബിഗ്‌ബോസില്‍ നിന്നും പുറത്തുവന്നത്. തുടര്‍ന്ന് ആശുപത്രിയിലെ ചികിത്സകള്‍ക്ക് ശേഷമാണ് അവര്‍ കേരളത്തിലേക്ക് എത്തിയത്. കഴിഞ്ഞ ദിവസം കൊച്ചിയില്‍ ലച്ചു വന്നിറങ്ങിയത് തന്റെ പങ്കാളിക്കൊപ്പമാണ്. മാധ്യമങ്ങളെ തന്റെ പങ്കാളിയെ ലച്ചു തന്നെ പരിജയപ്പെടുത്തുകയും ചെയ്തു.
മുംബൈ സ്വദേശിയായ ശിവാജിയാണ് ഐശ്വര്യയുടെ പങ്കാളി. ശിവാജി സംവിധായകനും ഫോട്ടോഗ്രാഫറുമാണെന്ന് ഐശ്വര്യ മാധ്യമങ്ങളോട് വ്യക്തമാക്കി. സിനിമയില്‍ സജീവമാകാന്‍ ഒരുങ്ങുകയാണെന്നും അതിനു മുന്നോടിയായി നടന്‍ അക്ഷയ് രാധാകൃഷ്ണനൊപ്പമുള്ള മ്യൂസിക് വിഡിയോ ഉടന്‍ റിലീസ് ചെയ്യുമെന്നും ഐശ്വര്യ പറഞ്ഞു.
Read more
2018ല്‍ പുറത്തിറങ്ങിയ കളി എന്ന ചിത്രത്തിലൂടെയാണ് ഐശ്വര്യ മലയാ സിനിമയില്‍ അരങ്ങേറ്റം കുറിക്കുന്നത്. സെയ്ഫ്, തിങ്കളാഴ്ച നിശ്ചയം എന്നിവയാണ് മറ്റ് പ്രധാന സിനിമകള്‍. ജയം രവിയും നയന്‍താരയും പ്രധാന കഥാപാത്രങ്ങളെ അവതരിപ്പിച്ച് റിലീസിനൊരുങ്ങുന്ന തമിഴ് ചിത്രം ഇരൈവനിലും ലച്ചു അഭിനയിച്ചിട്ടുണ്ട്. അഭിനയത്തില്‍ മാത്രമല്ല, മോഡലിങ് രംഗത്തും തന്റെ മികവ് തെളിയിച്ച ആളാണ് ഐശ്വര്യ സുരേഷ് . കേരളത്തില്‍ ജനിച്ച് ദക്ഷിണാഫ്രിക്കയിലെ ജോഹന്നാസ്ബര്‍ഗില്‍ വളര്‍ന്ന ആളാണ് ഐശ്വര്യ.
