കൊറോണ പ്രതിസന്ധിയെ തുടര്‍ന്ന് വീടുകളില്‍ സ്വയം ഐസൊലേഷനില്‍ കഴിയുകയാണ് ജനങ്ങളെല്ലാം. ക്വാറന്റൈനില്‍ കഴിയുന്ന താരങ്ങള്‍ സോഷ്യല്‍ മീഡിയയിലൂടെ തങ്ങളുടെ വിശേഷങ്ങള്‍ അറിയിക്കാറുണ്ട്. തെന്നിന്ത്യന്‍ താരം അല്ലു അര്‍ജുനെ പുകഴ്ത്തുകയാണ് ബോളിവുഡ് സുന്ദരി ദിഷ പഠാനി.
അല്ലു അര്‍ജുന്റെ ഡാന്‍സ് സ്റ്റെപ്പുകളാണ് ഇന്‍സ്റ്റഗ്രാം സ്റ്റോറിയായി ദിഷ പങ്കുവച്ചിരിക്കുന്നത്. എങ്ങനെയാണ് താങ്കള്‍ ഇതൊക്കെ ചെയ്യുന്നത് എന്ന് താരം ചോദിക്കുന്നത്. ഇതോടെ ദിഷയുടെ പോസ്റ്റ് തന്റെ ഇന്‍സ്റ്റഗ്രാം പോസ്റ്റായി പങ്കുവച്ച് അല്ലു മറുപടിയും കൊടുത്തു.
“”ഈ മ്യൂസിക് ഇഷ്ടമാണ്, നല്ല മ്യൂസിക് എന്നെ ഡാന്‍സ് ചെയ്യാന്‍ പ്രേരിപ്പിക്കുന്നു. ഈ അഭിനന്ദനങ്ങള്‍ക്ക് നന്ദി. ഏവര്‍ക്കും പ്രചോദനമാകുന്നതില്‍ നന്ദി”” എന്നാണ് അല്ലുവിന്റെ മറുപടി. താരത്തിന്റെ ഈ പോസ്റ്റ് ദിഷയും പങ്കുവച്ചു.
