കഴിഞ്ഞ ദിവസമായിരുന്നു വരുണ്‍ തേജിന്റെയും ലാവണ്യ ത്രിപാഠിയുടെയും വിവാഹം. ഇറ്റലിയിലെ ടസ്‌കാനിയയില്‍ വച്ചായിരുന്നു വിവാഹം. അടുത്ത സുഹൃത്തുക്കളും കുടുംബാംഗങ്ങളും മാത്രമാണ് വിവാഹത്തില്‍ പങ്കെടുത്തത്. ഈ വിവാഹത്തിനായി ചിലവാക്കിയ തുകയാണ് ഇപ്പോള്‍ സോഷ്യല്‍ മീഡിയയുടെ ശ്രദ്ധ നേടുന്നത്.
ആന്ധ്രയിലെ മെഗാ ഫാമിലി എന്നറിയപ്പെടുന്ന കൊനിഡേല കുടുംബാംഗമാണ് വരുണ്‍ തേജ്. തെലുങ്ക് സൂപ്പര്‍ താരം ചിരഞ്ജീവിയുടെ സഹോദരന്‍ നാഗേന്ദ്ര ബാബുവിന്റെ മകനാണ് വരുണ്‍. ചിരഞ്ജീവി, രാം ചരണ്‍, അല്ലു അര്‍ജുന്‍, പിതാവ് അല്ലു അരവിന്ദ്, സായി ധരം തേജ്, പഞ്ചാ വൈഷ്ണവ് തേജ് തുടങ്ങിയവര്‍ വിവാഹത്തില്‍ പങ്കെടുത്തിരുന്നു.
ലാവണ്യയുടെ വിവാഹ സാരിക്ക് മാത്രം 10 ലക്ഷം രൂപയാണ് വില എന്നാണ് റിപ്പോര്‍ട്ടുകള്‍. ഇറ്റലിയിലെ വിവാഹച്ചടങ്ങുകള്‍ക്കായി 10 കോടി രൂപയാണ് വകയിരുത്തിയത് എന്നും റിപ്പോര്‍ട്ടുകളുണ്ട്. ചരിത്രപ്രസിദ്ധമായ റിസോര്‍ട്ടില്‍ 30 ഓളം മുറികളിലായാണ് അതിഥികളും കുടുംബാംഗങ്ങളും താമസിച്ചത്.
ജൂണ്‍ 9ന് ഹൈദരാബാദില്‍ വച്ചായിരുന്നു ഇവരുടെ വിവാഹനിശ്ചയ ചടങ്ങുകള്‍ നടന്നത്. 25 ലക്ഷത്തിന്റെ മോതിരങ്ങളാണ് ഇവര്‍ പരസ്പരം കൈമാറിയത്. 2017ല്‍ ‘മിസ്റ്റര്‍’ എന്ന തെലുങ്ക് ചിത്രത്തിന്റെ ഷൂട്ടിങ്ങിനിടെയാണ് വരുണും ലാവണ്യയും ആദ്യമായി കാണുന്നതും പ്രണയത്തിലാകുന്നതും.
Read more
