നീണ്ട ഇടവേളയ്ക്ക് വിരാമമിട്ട് തിയേറ്ററുകളിലെത്തിയ ദുല്‍ഖര്‍ സല്‍മാന്‍ ചിത്രം ഒരു യമണ്ടന്‍ പ്രേമകഥ മികച്ച പ്രതികരണങ്ങളിലൂടെ മുന്നേറുകയാണ്. ചിത്രത്തില്‍ ലല്ലു എന്ന നാട്ടിന്‍പുറത്തുകാരനായാണ് ദുല്‍ഖര്‍ വേഷമിട്ടത്. ദുല്‍ഖര്‍ ഇതുവരെ ചെയ്ത വേഷങ്ങളില്‍ നിന്നും തികച്ചു വ്യത്യസ്തമാണ് യമണ്ടനിലെ ലല്ലു. ലുക്കിലും നടപ്പിലും ഭാവത്തിലുമെല്ലാം ദുല്‍ഖര്‍ ആ പുതുമ കൊണ്ടുവന്നിട്ടുണ്ട്. ഇപ്പോഴിതാ ചിത്രത്തിലെ രസകരമായ ഒരു രംഗത്തിന്റെ സ്റ്റില്‍ സോഷ്യല്‍ മീഡിയയില്‍ പങ്കുവെച്ചിരിക്കുകയാണ് ദുല്‍ഖര്‍. ഒപ്പം അതിന് മനോഹരമായ ഒരു കുറിപ്പും.
സിനിമയില്‍ വിഷ്ണു ഉണ്ണികൃഷ്ണന്റെ കഥാപാത്രത്തിന്റെ വീട്ടില്‍ ചെന്ന് മാങ്ങയിട്ട മീന്‍കറി കൂട്ടി ചോറുണ്ണുന്ന ചിത്രമാണ് ദുല്‍ഖര്‍ പങ്കുവെച്ചത്. “കുറെ കാലമായി ഡയറ്റിങിലായിരുന്നു. അവരെനിക്ക് മാങ്ങയിട്ട മീന്‍കറിയും ചോറും തന്നു. ആ സീനിനു വേണ്ടി എനിക്ക് അഭിനയിക്കേണ്ടി വന്നില്ല. അന്നുവരെ ഭക്ഷണം കാണാത്ത ആളെ പോലെയാണ് ഞാന്‍ ഊണുകഴിച്ചത് .” ദുല്‍ഖര്‍ ചിത്രം പങ്കുവെച്ച് കുറിച്ചു.
https://www.facebook.com/DQSalmaan/photos/a.373034986132319/1752808748154929/?type=3&theater
Read more
നവാഗതനായ ബി സി നൗഫല്‍ ആണ് ചിത്രം സംവിധാനം ചെയ്തത്. ഹിറ്റ് ഫിലിം തിരക്കഥാകൃത്തുക്കളായ ബിബിന്‍ ജോര്‍ജും വിഷ്ണു ഉണ്ണികൃഷ്ണനും ചേര്‍ന്നാണ് ചിത്രത്തിന്റെ തിരക്കഥ രചിച്ചത്. സംയുക്ത മേനോന്‍, നിഖില വിമല്‍ എന്നിവരാണ് ചിത്രത്തിലെ നായികമാര്‍. സലിം കുമാര്‍, വിഷ്ണു ഉണ്ണികൃഷ്ണന്‍, സൗബിന്‍ ഷാഹിര്‍, ധര്‍മ്മജന്‍, ബിബിന്‍, സുരാജ് തുടങ്ങിയവരും അഭിനയിക്കുന്ന ഈ ചിത്രം ഒരു കംപ്ലീറ്റ് എന്റെര്‍റ്റൈനെര്‍ ആയാണ് ഒരുക്കിയിരിക്കുന്നത്.
