ഗീതു മോഹന്‍ദാസിന്റെ സംവിധാനത്തില്‍ നിവിന്‍ പോളി നായകനായ “മൂത്തോന്‍” സിനിമയുടെ വ്യാജ പതിപ്പ് വെബ് സൈറ്റില്‍. ചിത്രം തിയേറ്ററിലെത്തിയിട്ട് ഒരാഴ്ച തികയും മുന്‍പുതന്നെ സിനിമയുടെ വ്യാജ പതിപ്പ് ഇന്റര്‍നെറ്റില്‍ വ്യാപകമായിരിക്കുകയാണ്.
നിര്‍മാതാക്കളുടെ പരാതിയുടെ അടിസ്ഥാനത്തില്‍ പൈറസിക്കെതിരേ എറണാകുളം നോര്‍ത്ത് പോലീസ് കേസെടുത്തു. കേസില്‍ കര്‍ശന നടപടി സ്വീകരിക്കുമെന്ന് സൈബര്‍ ടീം മേധാവി കമ്മിഷണര്‍ മനോജ് എബ്രഹാം ഉറപ്പു നല്‍കിയിട്ടുണ്ട്. പൈറസി വിഷയത്തില്‍ മുന്‍പ് ചെറിയ ശിക്ഷാ നടപടികളെ ഉണ്ടായിരുന്നുള്ളൂ.
Read more
എന്നാല്‍, 2019-ലെ പുതിയ നിയമപ്രകാരം സിനിമയുടെ വ്യാജ പ്രിന്റുകള്‍ കാണുകയോ, കൈമാറുകയോ, കൈവശം വയ്ക്കുകയോ, നിര്‍മിക്കുകയോ ചെയ്താല്‍ മൂന്ന് വര്‍ഷം തടവും 10 ലക്ഷം രൂപ പിഴയും ലഭിക്കുന്ന ക്രിമിനല്‍ കുറ്റമാണ്.
