മലയാളത്തിന്റെ പ്രിയ നടന്‍ ദുല്‍ഖര്‍ സല്‍മാനും സംവിധായകന്‍ റോഷന്‍ ആന്‍ഡ്രൂസ് ആദ്യമായി ഒന്നിക്കുന്നു. തന്റെ അടുത്ത ചിത്രം നിര്‍മ്മിക്കുന്നത് ദുല്‍ഖര്‍ സല്‍മാനാണെന്ന് ഒരു അഭിമുഖത്തിനിടെ റോഷന്‍ ആന്‍ഡ്രൂസ് വ്യക്തമാക്കി. ദുല്‍ഖര്‍ തന്നെയാകും ചിത്രത്തില്‍ നായകനായെത്തുക.
നിലവില്‍ അനൂപ് സത്യന്‍ ഒരുക്കുന്ന ചിത്രത്തിന്റെയും ശ്രീനാഥ് രാജേന്ദ്രന്‍ ചിത്രം “കുറുപ്പി”ന്റെയും ഷൂട്ടിങ് തിരക്കുകളിലാണ് ദുല്‍ഖര്‍. ഈ രണ്ട് ചിത്രങ്ങളും ദുല്‍ഖര്‍ തന്നെയാണ് നിര്‍മ്മിക്കുന്നത്. ബോളിവുഡ് ചിത്രം “ദ സോയ ഫാക്ടര്‍” ആയിരുന്നു ദുല്‍ഖറിന്റേതായി ഒടുവില്‍ പുറത്തെത്തിയ ചിത്രം.
Read more
മഞ്ജു വാര്യരെ നായികയാക്കി ഒരുക്കിയ “പ്രതി പൂവന്‍കോഴി”യാണ് റോഷന്‍ ആന്‍ഡ്രൂസിന്റെ ഏറ്റവും പുതിയ ചിത്രം. ചിത്രത്തില്‍ ആന്റപ്പന്‍ എന്ന വില്ലന്‍ കഥാപാത്രമായി റോഷന്‍ ആന്‍ഡ്രൂസ് തന്നെയാണ് വേഷമിട്ടിരിക്കുന്നത്.
