കെജിഎഫ്: രണ്ടാം ഭാഗത്തില്‍ അധീരയായി തെന്നിന്ത്യന്‍ സിനിമാപ്രേക്ഷകരെ സഞ്ജയ് ദത്ത് അമ്പരപ്പിച്ചിരുന്നു. ഇപ്പോഴിതാ തെന്നിന്ത്യന്‍ സിനിമയെക്കുറിച്ച് തുറന്നുപറഞ്ഞിരിക്കുകയാണ് നടന്‍. ‘ബോളിവുഡ് അതിന്റെ വേരുകള്‍ മറക്കരുതെന്നാണ് അദ്ദേഹം അഭിമുഖത്തില്‍ വ്യക്തമാക്കിയത്.
ഞാന്‍ കെജിഎഫ് ചെയ്ത ഒരു കാര്യം എനിക്കറിയാം, രാജമൗലി സാര്‍ എന്റെ പ്രിയ സുഹൃത്താണ്. തെന്നിന്ത്യന്‍ സിനിമകളില്‍ നമുക്ക് മാതൃകയാകേണ്ട പലതും ഞാന്‍ കാണുന്നുണ്ട്. ബോളിവുഡ് ഒരിക്കലും അതിന്റെ വേരുകള്‍ മറക്കരുത്. കൂടുതല്‍ ദക്ഷിണേന്ത്യന്‍ സിനിമകളില്‍ അഭിനയിക്കാനാണ് ഇപ്പോള്‍ തനിക്ക് താത്പര്യമെന്നും സഞ്ജയ് ദത്ത് പറഞ്ഞു.
Read more
രണ്‍ബീര്‍ കപൂറിനൊപ്പം ഷംഷേരയിലാണ് സഞ്ജയ് അവസാനമായി അഭിനയിച്ചത്. പീരിയഡ് ഫിലിം ബോക്‌സോഫീസില്‍ മികച്ച പ്രകടനം കാഴ്ചവയ്ക്കുന്നതില്‍ പരാജയപ്പെട്ടു. ചിത്രത്തില്‍ വാണി കപൂറും ഉണ്ടായിരുന്നു.
കെഡിയാണ് സഞ്ജയുടെ പുതിയ സിനിമ. ഹിന്ദിയും മലയാളവും ഉള്‍പ്പെടെ അഞ്ച് ഭാഷകളില്‍ ഒരുങ്ങുന്ന കെ.ഡിയില്‍ കന്നഡ യുവതാരം ധ്രുവ സര്‍ജയാണ് നായകനായെത്തുന്നത്. എഴുപതുകളില്‍ ബാംഗ്ലൂര്‍ നഗരത്തില്‍ ഉണ്ടായിരുന്ന ഗുണ്ടാസംഘങ്ങളുടെ കഥയാണ് ചിത്രം പറയുന്നത്. ചിത്രത്തിന്റെ മലയാളം ട്രെയ്‌ലറിന് മോഹന്‍ലാലാണ് ശബ്ദം നല്‍കിയിരിക്കുന്നത്.
