പന്നൈയാരും പത്മിനിയും, സേതുപതി, സിന്ധുബാദ്, ചിത്ത എന്നീ ചിത്രങ്ങൾക്ക് ശേഷം എസ്. യു അരുൺ കുമാർ സംവിധാനം ചെയ്യുന്ന വിക്രം ചിത്രമാണ് ‘വീര ധീര സൂരൻ’. ആക്ഷൻ ത്രില്ലർ ഴോണറിലാണ് ചിത്രമൊരുങ്ങുന്നത്.
ദുഷാര വിജയൻ ആണ് ചിത്രത്തിൽ വിക്രമിന്റെ നായികയായെത്തുന്നത്. സുരാജ് വെഞ്ഞാറമൂടും എസ്. ജെ സൂര്യയും ചിത്രത്തിൽ ഒരു പ്രധാന കഥാപാത്രങ്ങളാണ്. ഇപ്പോഴിതാ മറ്റൊരു മലയാള താരം കൂടി ചിത്രത്തിൽ ഉണ്ടെന്നാണ് അണിയറപ്രവർത്തകർ പുറത്തുവിട്ട അപ്ഡേറ്റ്. സിദ്ദീഖ് ആണ് ഇപ്പോൾ ചിത്രത്തിൽ ചേർന്നിരിക്കുന്ന മലയാള താരം.
Excited to announce that we have with us another brilliant performer #siddique with us on board for #veeradheerasooran@chiyaan #Kaali #காளி
Veera Dheera Sooran
An #SUArunkumar Picture
A @gvprakash musical@iam_SJSuryah #surajvenjaramoodu @officialdushara @thenieswar… pic.twitter.com/a2iUHm8KNy
— HR Pictures (@hr_pictures) April 21, 2024
ജി. വി പ്രകാശ്കുമാർ സംഗീതം നിർവഹിക്കുന്ന ചിത്രം എച്ച്ആർ പിക്‌ചേഴ്‌സിന്റെ ബാനറിൽ റിയ ഷിബു ആണ് നിർമ്മിക്കുന്നത്. തേനി ഈശ്വർ ആണ് ചിത്രത്തിന് വേണ്ടി ഛായാഗ്രഹണം നിർവഹിക്കുന്നത്.
അതേസമയം പാ രഞ്ജിത്ത് സംവിധാനം ചെയ്യുന്ന പിരിയഡ് ആക്ഷൻ ചിത്രം ‘തങ്കലാൻ’ ആണ് വിക്രമിന്റെ പുറത്തിറങ്ങാനിരിക്കുന്ന ഏറ്റവും പുതിയ ചിത്രം. പാർവതി തിരുവോത്ത്, മാളവികാ മോഹനന്‍, പശുപതി, ഹരികൃഷ്ണന്‍ അന്‍പുദുരൈ, പ്രീതി കരണ്‍, മുത്തുകുമാര്‍ തുടങ്ങിയവരാണ് മറ്റ് അഭിനേതാക്കള്‍. ‘നച്ചത്തിരം നഗര്‍കിറത്’ എന്ന ചിത്രത്തിന് ശേഷം പാ രഞ്ജിത് സംവിധാനം ചെയ്യുന്ന ചിത്രമാണ് തങ്കലാന്‍. സംവിധായകന്‍ പാ രഞ്ജിത്തും തമിഴ് പ്രഭും ചേര്‍ന്നാണ് തിരക്കഥ രചിച്ചിരിക്കുന്നത്.
